كلمات قصيدة الفاكد امة مسلم الوائلي مكتوبه كامله
قصيدة: الفاگد أمه
أداء: مسلم الوائلي
كلمات: محمد الزيدي
~
يمه يزهراء .. يمه يزهراء .. يمه يزهراء
~~~
صارت صدگ والليل وياي يعاند
شينيم البالباب گلبه مشلوع
وشتكفي عيني الما معلمتها تفارگ
يمه الدموع تريد بالفرگه دموع
مثلج حنينه العين ما شافت يمه
تشبگين زينب وانتي ما بيج ضلوع
هيه المصيبه .. لمن يجي الليل .. وجروحي تحجي
ليش الحنينه .. مكسر ضلعها .. وخلوها تبجي
راحت .. وعيوني راحت
طاحت .. عافيتي طاحت
~~~~
جا هيه هيج بلا عيون تخليني
اليفگد الشوف اعزاز روحه مغمضين
يدفنوني كون وياج يمه يدفنوني
كلساع اگل الروحي ليش تعيشين
شلفايده اضلين عدله يا روح
وعطر امج مونس گبور الميتين
شلي بحياتي .. الما بيها عطرج .. شلي بحياتي
وي گبرج هناك .. مدفونه الأحلام .. وي أمنياتي
ليلي .. شيخلصه ليلي
حيلي .. كسرولي حيلي
~
عگبج گلت للناس من تعزوني
يا ناس وي الفاتحه ابجولي هواي
الما فاگد أمه لا يراويني خياله
ما يحس بالعطشان المبلل ماي
كلمة اليمه لا تگولوها اگبالي
كلشي احجوا يمي ولا تذكروني بهاي
انه اليتيمه .. حنوا اعله حالي .. وحفظولي گدري
كلشي احجوا يمي .. بس طاري امي .. يكسرلي ظهري
يا ناس .. كلفه وهظيمه
رحموا .. الصارت يتيمه
~
الله يعثره الباب ما شاف دموعج
والله يعثره العله ضلوعج دفعاه
مكسوره وتضمين دمعات عيونج
وبسكته لو نمتي تگولين احاه
اتخافين لا تبجين وتسمعج زينب
وتكابرين وضلعج انهد ويلاه
يملوحة البيت .. عگبج تره البيت .. يا يمه باهت
گطعوا هوه الله .. وبسمار الجروح .. بالريه نابت
خنگه .. يا يمه خنگه
احنه .. عطرج نشهگه