كلمات قصيدة شهر رمضان بجاني محمد الجنامي مكتوبه كامله
قصيدة :- شهر رمضان بچاني
كلمات :- الشاعر كرار حسين الكربلائي .
أداء :- الرادود محمد الجنامي .
🖤🔷🔷🖤🔷🔷🖤
شهر رمضان بچاني .. احن واشتاك خلاني
تـره الدنيه بعـدك وجهك تبجيني
الك وحشه وردت طيفك يلاگيني
عـــلــــي بــويــه
🖤🔷🔷🖤🔷🔷🖤
شـهـر رمـضـان يا عـالـم .. حلاته بلمة الاحباب
وانه بهاي السنه دموعي .. تتاني جيـته الغياب
يدگ بابي الحزن والهم .. ولا چف غالي دگ الباب
اعيش بعالم همومي .. دفنت الضحكه جوه تراب
ذكـرت العـام مـن اكـعد سـوه ويـاك
بچيت عيوني من دارت سنه لفرگاك
تعـبت مـن الحـزن اريـد فـرح ملگاك
تعال بطيف يالغالي .. مكانك ليش ظل خالي
سهرت الليل لعيـونك يضـي عيني
الك وحشه وردت طيفك يلاگيني
عـــلــــي بــويــه
🖤🔷🔷🖤🔷🔷🖤
عفتني بدنيه ما ترحم .. وبقت بس ضحكتك تذكار
متت بس عايش ابالي .. واشوفك وين ما اندار
ذبلـت ابديره الـفرگه .. تعال وشوف بيه اشصار
يهيبة داري من بعدك .. بقت وحشه وغربيه الدار
تدور ورحي عن روحي من اطلب للبيت
جـنـت كــل ليـله تـدعــيلــي إذا صلـيـت
يبــعـد عيــوني و عيــونك الك حنــيــت
جرح فرگاك مايرحم .. رحت و البيت صار اظلم
عليك ابچي ولا اطبعك تبچيني
الك وحشه وردت طيفك يلاگيني
عـــلــــي بــويــه
🖤🔷🔷🖤🔷🔷🖤
اجاني العيـد يالغالي .. ومكانك خالي هذا العام
شعيد وانته مو يمي .. وانه بخدي دمع ايتام
عليك بداعة الزهـره .. تعال لعيني خلي اتنام
بغيابك ماتت الفرحه .. وبعد ما ترجع الايام
اليــودع مــثــلك بــعــمـره حــلــم يــرتـاح
شلت نعشك واحس بيتي اعله راسي طاح
الـحــيـاة بـــلا عـلـي ظلـمـه وبـــلا افــراح
حلم ارتاح من دونك .. متت مرتين وعيونك
عـلي بويـه جـمر هجرك يجـويني
الك وحشه وردت طيفك يلاگيني
عـــلــــي بــويــه