كلمات قصيدة كل جمعة اتانيك مسلم الوائلي مكتوبة كاملة
أداء: مسلم الوائـــــــــــــــــــلي
كلمات:عباس طالب السعيدي
خليني اكبر مولاي بعيونك
ضايع يتيم ومسكين من دونك
يبقه السوال المكتوب وين انت
محد يجاوب انسان مجنونك
****
برموش العيون دورتك
بلكت حلم طايح واشوف خيالك
يا اول اهلال ما شفتك
ياعيد الكلوب اشبعد لهلالك
لوما انت مولاي... محد يوگف وياي
الدنيا تريد الايحبك ذليل وماله تالي
بحر وشراعي غركان.. ميت وانا عطشان
احبك انا من اول عطش مر اعله بالي
مثل النفس اشعر بيك وبكدي
بس النفس ماينشاف يالمهدي
عايش غريب بنص ناس موغربه
غيرك وطن والعباس ما عندي
****
كل جمعه اتانيك عوچيه
چ ادري ضهرك بي كسر من حافر
ما اشعل اشموع ليليه
ما اريد اجرحك بالخيم والعاشر
بعد ما احجي بالشام.. بلكي عيونك تنام
يل وجهك طفن يمه تره شموس الظهاري
حالف من الاكيك.. اتغزل غزل بيك
واكلك دوة عيونك متاهات الصحاري
ضايع وادور عن عين تلكاني
وتكلي غيرك ممنون حب ثاني
شرياني لو بالدم تاهة وتشوفة
بيدك يمولاي تگود شريـــــاني
****
اتمنى الاكيك بس خايف
نتلاكه واتكلي بعد ما اريدك
صح مني كل خير ما شايف
بس من اكلك طايح اتمد ايدك
القصور البيه وياك.. مايسمحلي الكاك
رغم انت اقرب الوادم واعز واحد عليه
العشك بي تضحيه هواي.. واول تضحيه الماي
اعوفه لخاطرك واشرب دمع كل مغربية
وينك صحت يم كل طير بغروبك
بلكي الله ويكلي هناك محبوبك
يل ثوبك اسود من يوم عاشورك
بس راسك المابي لون من ثوبك
****
شمعه العمر صار يالغايب
خافنهة تطفة وما اشوف عيونك
كدما حزن بيك ومصايب
مشتاك اكلك يا حبيبي شلونك
ضيمك واليبيجك.. بيه انا ولا بيك
اليحب ما يرضه يتعور گلب خله وحبيبه
البقه بعمري الع اطياح.. اليكلي المهدي مرتاح
اله عيوني اليدليني بضواك منين اجيبه
يالمهدي عيني التهواك سهرانه
من كد بواجيهة عليك تعبانه
وين انت من كدما اصيح ليلة
صتير اصيح اعله الناس وين انه
********
تكبيرة اذان تاينك
وين كل صلاه اتخيلك كدامي
بعيوني محتاج حنيتك
وتشوفك بواقع گبل احلامي
غايب انت عالعين.. من كد حب الحسين
منو اليكدر يباوع عالشمس من كد ضواهة
باسمك لو اتهجيت.. عطرك يترس البيت
والصورة العلى الحايط نذر جيتك وراهة
اظهر اكلك بس خاف ما انصرك
وذنوبي تدفع بالخيل يم صدرك
سامحني قصرت وياك بعمالي
بس انا احبك مولاي وانتظرك