كلمات قصيدة دنيا باسم الكربلائي مكتوبة كاملة
دنيا
للشاعر: السيد عبد الخالق المحنة
--------
دنـيـه... مـا بـيـهـا بـس هم و غدر ... دنيه
و إمـنـيـن أجـيـب إلـهـا صـبـر... دنـيـه
راوتــنــي نـجـمـات الـظـهـر ... دنـيـه
***
ليلة إوداعك ثواني إبسرعه مرت جانت أسرع من دمعتي
لـحظة إفراگك مسافه إبلا نهايه إهوايه أطول من حسرتي
و الـعمر بالفرگه يطول يمته يخلص حته أخلص من غربتي
دهــري... راوانــي أنــواع الألـم ... دهـري
كـل لـحـظـه يـرمـيـنـي إبـسهم ... دهري
و أعــرف نـهـايـة هـالـعـمـر ... دنـيـه
***
يـبني كل الراح يرجع تدري يوسف رد قميصه للبشاره
و آنـا كلكم مره ضيعتكم مره وحده ما إجيتوا يالغياره
يـبـني وين ألگه قميصك حته أشمه بلكي گلبي تطفه ناره
ويـنـك ... يـالـتـارك إبـگـلبي رمح ... وينك
لـو أنـسـه يـسـألـنـي الـجـرح ... ويـنك
خـلـتـنـي لـلـمـوت أنـتـظـر ... دنـيـه
***
تدري أول كلمه أگلك من أشوفك يا حبيبي أحله كلمه
تـدري آخـر حلم عمري الما تحقق وينه نحرك أرد أشمه
تدري أجمل كلمه عندي شنهي يبني من صحت لي ها ييمه
يـمـه... مـعـقـولـه مـا تـرجـع بـعد ... يمه
أم الــبــنــيــن إبــلا ولــد... يـمـه
ذابــحــنـي يـا سـيـف الـهـجـر دنـيـه
***
يشهد الله ما نسيتك لحظه وحده و إنت دومك إعله بالي
مـن كـثر ما بإسمك ألهج صر أشكن إنت يمي مو خيالي
أنـجـوي إبنارك و أنادي إگرب إگرب يالعفتني هذا حالي
يـبـنـي... أتـطـشـر إجروح و صحت ... يبني
أبـجـي و عـلـى وجـهـي طـحـت... يـبـني
بــعــدك و لا واحــد يــمــر... دنـيـه
***
تاكل إبروحي الليالي و أشتكي لك يمه إرجع وينك إنت
و أرسم إهمومي إبطريقك مره أكتب بس تعالوا مره يمته
يـالـطريقك بيه يشعر من أسأله ما يجاوب يبجي سكته
إرجـع... يـالـمـاخـذ إويـاك الـشمس... إرجع
يــا بــاجــر و حــلـم الأمـس... إرجـع
مــجــبــوره أقــبـل أي عـذر ... دنـيـه
***
آنـا أدري مـا تـرد لي بس أحاول ما أصدگ فارگتني
تـالي بن حذلم إجاني و گتله جاوب إبني وينه عذبتني
ظـل يـعـدد لي إبنيني فكري يمك إنت وحدك حيرتني
نـوحـي... إبـنـج صـريـع إبـكربله ... نوحي
مــســبـيـه كـل الـعـايـلـه... نـوحـي
و الــشـده زيـنـب بـالـيـسـر... دنـيـه
***
أنـتظر زينب تعاود و أمشي ليها لازم أسأل عن أخوها
عـن گمر هاشم سؤالي و الكفلها يبگه ساكت من سبوها
إبـنـي بـس غيره و حميه وش يصبره يمه زينب سلبوها
إخـتـك ... گـتلك أمـانه إبرگبتك... إختك
گــلــبـي يـگـلـي عـذرتـك... إخـتـك
عــنــد زينب إعــتـاب إشـكـثـر ... دنـيـه