كلمات قصيدة ضيفك يا حيدر الرادود باسم الكربلائي مكتوبة كاملة
قصيدة : ضيفك يا حيدر
الشاعر: السيد عبدالخالق المحنة
-----------
ضيفك يحيدر هالمسا ام المصيبة
عاشت غريبة يا علي وماتت غريبة
وسياط المتن تشرح يا حزن
💠💠💠💠💠
يالتراب دفنت احباب الي وظلت صورهم
بالعيون اموت ويلهج لساني بذكرهم
والدموع صدك تحله المدامع يم كبرهم
لونهم يرجعون واراويهم كسرهم
يا قلبي نوح لزينب واذكر بجيهه
رادت تموت وية الاخو بس مو بيديهه
ياقلب اليحن تشرح يا حزن
💠💠💠💠💠
يقلبي دقول وداعة الله على الجفوني
يروحون ولا مرة يذكروني ويجوني
مسافات وانا دمعة بدربهم ضيعوني
تمنيت اموت وما اقولن فارقوني
يالله يروحي لبت علي نحضر دفنهه
انا ادري يحضرهه علي وينظر حزنهه
ودموع الحزن تشرح يا حزن
💠💠💠💠💠
غريبة جنازتهه ولا واحد وصلها
يحيدر عجيبة تأخر عليها الكفلها
يعباس اذا رايد تجيها وتحضرلها
اويلاه صعوبة بلاية جفين تحملها
رادت تجيهه بهالوكت وتشوفك الناس
وعلى الخلايق تفتخر العدها عباس
لحظات الدفن تشرح يا حزن
💠💠💠💠💠
يحيدر اجتك زينب وانظر دمعها
دعاين متنها واذكر البضعه وضلعها
تخبرك يحيدر يا مصاب الي فجعها
بالطفوف تخبرك من شتم امها ودفعها
يابوالحمية بغيبتك بالطف ولوها
صاحوا اهضموا ام الخدر قدام اخوها
والظلت تون تشرح ياحزن
💠💠💠💠💠
على النوق اجه وكت الصلاة وحان وكته
بلا ماي عليل حسين بوية احتار شفته
قلتله تيمم فوك راسي بس جرحته
تيمم لجن مثل الجمر نزلت دمعته
من الجدام لهامتي غطاني التراب
يابوية تذبح مهجتي ضحكات الاجناب
روحي التنتحب تشرح يا حزن
💠💠💠💠💠
يبوية اذا تسأل على جروح البدية
يضربون بلا رحمة واشاقف عن رقية
والايتام يحيدر كلهم يلوذون بيه
واحامي بجميع سياطهم نزلت عليه
مرات احس بسياطهم تكسر لي العظام
بس الاشد نظراتهم ترميني بسهام
نظرات الضغن تشرح ياحزن
💠💠💠💠💠
يبوية حوافر خيلهم تنشاف حمره
دمه حسين صبغهن من يسحقن فوق صدره
تعنيت لقيته موذر ومقطوع نحره
اعدهن اصابع تسعه عنده وهنه عشره
من دم وريده اللي جره وجهي صبغته
زينب احضري عيلتي صوته سمعته
ياليل التجي تشرح يا حزن
💠💠💠💠💠
صلاتي يبويه من جلوس ودمعي يجري
ولا ظل بعد لا حيل بيه وانت تدري
كفيلي كسر ظهري يبوية وشوف ظهري
الشمر ليش كطع نحر الحسين وعاف نحري
سيف الذبح نحر اخوتي بس ما ذبحني
والي شتمني قبالهم اكثر جرحني
من يفزع تظن تشرح يا حزن