كلمات قصيدة الموت الاحمر محمد الجنامي مكتوبة كاملة
قصيدة :- الموت الاحمر .
كلمات :- الشاعر السيد عبد الخالق المحنة .
أداء :- الرادود محمد الجنامي .
-----------
نزل جيـش اسد يقوده هوه الموت وصل قبل
يشوفوه علي و جنوده و هوه جان ابا الفضل
ولا عجب من هاي ... ابـو الكـفاله اهواي
اجه الموت الاحمر ... اجه الموت الاحمر
-------------
هذا عسكر قاده حـيدر من ضياغم ضاريات
هذا حمـزه ذاك الاشـتر صـوته يزئر عالطفاة
و الحقيقه هوه واحد حامي زينب عالفرات
... گـــصـــد صـــوب الــنــهــر ...
عيـنه ترصـد صـوته يرعد سيفه يحصد بالرگاب
غيره ينبض چفه يقبض طبعه يركض عالصعاب
وماكو راحـه و اســتراحه هــوه قـادم للحــساب
... بـــعــد ايــــن الـــمـــفـــر ...
سرفن ردنه ومنهو اليدنه مغضب نازل موت احمر
مـد إذراعه ومالت گاعـه هاي السـاعه چن محشر
حتى الماي اتغير لونه ظل ما يجري و يتعذر
بلا صـوت فقـط كلامه اجه الموت بلا نفس
بدت روس تذل أمامه صفه الماي بلا حرس
شنوه الجره يا ماي ... ابـو الكـفاله اهواي
اجـه الموت الاحمر ... اجه الموت الاحمر
-----------
هوه رايه و بيده رايه عنده رايه بالقتال
سيفه شاعر عالمناحر و القصايد ارتجال
بالاخــوه و الــمروه هوه هوه ابلا جدال
... وهـــو ســـيــد الــحــرب ...
طلعت اخته امن المخيم بيها دمعة انتظار
اشرتله يالله حيـهم ها خـو زينب كلها صار
هيه حمــله وماكـو مهله لنها ظلمه ابلا نهار
... حـــده و ســـد الـــدرب ...
زينب شافت فعله وصاحت ارجع روحي اشتاگتلك
احذر منهم ليغدرونك وايوگعونك حذرتك
گال افنيهم ما خليهم صاحت تگدر بعد اختك
و الرماح طواها بيـده للسهام كشف صدر
و البعيـد سهل يصيـده يصايود نظر صگر
اجه الغضب ما جاي ... ابـو الكـفاله اهواي
اجـه المـوت الاحمـر ... اجه الموت الاحمر
-----------
ناده وينك يبن جوشن جيش اميه كله وين
خـل ألوفك كلها تلتم يعني بلكي تملي عين
انتو صيحو يا اميه و آنه اصيحن يا حسين
... و آنــه راعـــي اللـــوه ...
هــوه واحــد چنه دوله امــبراطــور الــزمان
عنده اخـته كعبه تمشي والنظرها موته حان
هــوه ابنها هــوه اخــوها هـوه خيمه للأمان
... اعـــز مــــن الهــــوه ...
لو مد الجف يهتز الطف و اتدورس الروس اجدامه
سيل و جارف صرصر عاصف منهو اليثبت گدامه
ما يتحدد مهما ابعد جفينه اتلوح اخيامه
ترك عـين عله العـساكر بقت عـين عله الخيم
طفح زود طفح مشاعر عله الصوت يرد سهم
نقي و تقي ووفاي ... ابـو الكـفاله اهواي
اجه الموت الاحمر ... اجه الموت الاحمر
-------------
لا ميتعب جفه يلهب غيمه تمطر بس شرار
صدره فارس ظهره حارس سيفه دارس ذو الفقار
هذا عين الزهره صاحوا دمه حار و عنده ثار
... لـــجــل كـــسر الــظـــلع ...
هذا واحـد هذا سـاعد هذـا قائد جيش أخوه
هذا اخنس هذا بيهس و العرندس و ابن ابوه
من يــمنعه من يــردعه ارمـوا جوده و حيروه
... صـــعـــب مــا ينـمنـــع ...
شطره حيدر ما تتغير بالنص يشطر عباسه
منهو ايكسره اليرضي الزهره ابراس الغيم ايدك رأسه
من يكدرله ومن يوصل له غيره وعاشت بانفاسه
ضوه حسين ضوه العقيله ضوه الكون ولا عجب
بالحروب اله الثگيله اذا صال يصب غضب
اذا صــفيـنه ابرأي ... ابـو الكـفاله اهواي
اجه الموت الاحمر ... اجه الموت الاحمر
------------
هوه وحده و كلـشي ضده راح اوضح بالدليل
عسكر المي عسكر الحر جيش اميه و النخيل
هذا يرمــي و ذاكه يحمي هـوه ثابت ما يميل
... ولا مـــهتـــم ابـــد ...
يملي جوده اعله كيفه صدره يلهب ماطفاه
شافه بالمي وجه اخيه و استحه منه ورماه
مــا تـــروه و الاخــوه حـــگها لو مـاتت وراه
... ولا خــــوه بـــعـــد ...
كل البرزوا قبل الكافل رادوا رخصه و ينطيهم
بس الكافل ما گله ابرز لو گله ابرز يفنيهم
گله اعيالي ياخي عطشوا جيب الماي و ارويهم
و الحســين اذا يرخصــه تظل خيل بلا زلم
امر چان ولاكو فرص وعد حان بده الحسم
فــزع وگـع شــراي ... ابـو الكـفاله اهواي
اجه الموت الاحمر ... اجه الموت الاحمر