كلمات قصيدة الحسن صاح الرادود محمد الجنامي مكتوبة كاملة
قصيدة :- الحسن صاح .
كلمات :- الشاعر وسام الشويلي .
أداء :- الرادود محمد الجنامي .
🏴🏴♦️♦️🏴🏴♦️♦️
الحسن صاح أشوفج غريبه .. يــزينــب
تشوفــين هضــيمه مصيـبه .. يــزينــب
🏴🏴♦️♦️🏴🏴♦️♦️
الحــسن وي زينــب يســولف دمعه دمعه
وجبده وسط الطشت صاير قطعه قطعه
ايكلــها بالــتوديــع اريـد اعـليـــج انــعــه
ونــوحــي يا زينــب علــى مصابج ارفعه
هالمصـاب مصـابج اشوفه .. يــزينــب
والـوداع تـذبحـج سيـوفه .. يــزينــب
🏴🏴♦️♦️🏴🏴♦️♦️
السم يزينب هين شما فتك بيه
لكــن اوداعــج صــدك أثر عـليه
شلون بيج ومن وراج الغاضريه
يا عــزيزتــنه وســف تالي سبيه
للأحـزان قـدرنه نعوفج .. يــزينــب
والهموم تجيلج تطوفج .. يــزينــب
🏴🏴♦️♦️🏴🏴♦️♦️
غالــيه تــدرين أنتــي هواي عندي
ماردت بعــيونج تشــوفين جـبدي
اي زينب بيه حـادي الموت يحدي
وابد ما ينتــهي مصابج لمن يبدي
تعــيشين مصــيبه جبيره .. يــزينــب
تروحين اعله ناكه اسيره .. يــزينــب
🏴🏴♦️♦️🏴🏴♦️♦️
طشت ثاني غير هذا تشوفه عينج
بيه يصــبح راس ابن امج حسينج
ابقــصر أمـيه وكــفتج الله يعــينج
ياهضيمه و بالحبل مجتوفه ادينج
تدخلين قصرهم هضيمه .. يــزينــب
يشــوفوج شماته جريمه .. يــزينــب
🏴🏴♦️♦️🏴🏴♦️♦️
حــيرتج بالــشام يخــتي شلون حيره
ابــديره غربه وانتي محـسوبه اسيره
بيــمن أتحــشمــين ما ظــلت عشـيره
كبالج عينج بالطشت راس ابو الغيره
ايو الزود شيردله جفوفه .. يــزينــب
الـج طول اجانب تشوفه .. يــزينــب