كلمات قصيدة طبت عراضه كوم طب اعليهم جبار الحريشاوي هوسات العباس كوم اعرض بيه طف لهلك مكتوبة كاملة
• الرادود جبار الحريشاوي
• الشاعر تحسين الخفاجي
-------------
فر الجيش والعباس من صوب الخيم جاي
يم الماي گام يصيح فنهَ اليـوصل الماي
حگها الگاع من اتخاف وتميل اويه ممشاي
شو جريت راگ الماي والشط كلهَ اجهَ اوياي
( گـوم أعـرض بـيّ الـطف لأهـلك ... )
( اوگوم طب اعليهم.. طبت عراضة )
( طبت عراضة.. گوم طب اعليهم ...)
طب زعلان للميدان والطف دخلت انذار
گام ايصول والعباس من يزعل يستار
ذب الخيل فوگ الخيل نشمي وبالحرب حار
والقادات من شافوا كلهم سووا إقرار
( چَـيـم بـيّ .. الـطف لا يـبرد .. )
( اوگوم طب اعليهم.. طبت عراضة )
( طبت عراضة.. گوم طب اعليهم ...)
عالرايات كشخت حيل راية صاحب الجود
نهر الموت من طب ليه طمه بروسه الزنود
الغيرة اتفور والعباس لازم ذيچَ الحدود
وين اتروح والوفااي طب امشرعِّ الزنود
( مايتلاگه .. ردلنــا أبنك ..)
( اوگوم طب اعليهم.. طبت عراضة )
( طبت عراضة.. گوم طب اعليهم ...)
صار ازماط والعباس وسط المعركة يصول
شد الگوم وله اليوم أخذ كربله ايگول
ذلّ الجيش والشجعان رجفت والحچي يطول
والعباس مو بس هاي شرَّد حته الخيول
( كضّهَ حـسينـهَ .. چـا شـال الـطف .. )
( اوگوم طب اعليهم.. طبت عراضة )
( طبت عراضة.. گوم طب اعليهم ...)
كلها بصوب والعباس من طب كربله ابصوب
شد الحيل والوهواس ظل ياكل بالگلوب
شاطي الماي للعبـاس گالوا ديهَ مطلوب
كلها اتصيح بينه اشلون سد اعلينه الدروب
( هـز روحـهَ .. البيــرغ راده .. )
( مــن إِيــده من إيــده .. البيــرغ ماطـاح .. )
( اوگوم طب اعليهم.. طبت عراضة )
( طبت عراضة.. گوم طب اعليهم ...)
للميدان گام ايــروح ويرد للصواوين
بالعباس حگهَ اليوم گام يزامط حسين
لمن صال مو بالسيف ظل يذبح بالايدين
من العباس هذا الجيش تايه يشرد منين
( فصّـالهَ ما يرضـا اتـحـول ...)