كلمات قصيدة راح اروح الملا محمد باقر الخاقاني مكتوبة كاملة
الملا محمد باقر الخاقاني
اسم القصيدة: راح اروح
---------
يخبرك حالي يستر اخيالي بقيت بغير صيوان
بظهر عاشورك اجيت بشورك ومشيت بشور عدوان
ويلاه....راح اروح عجيبه ولا اخو گلي عله وين
ولا فز واحد من اهلي عله وين
----------
وياك من اطلع جنت ياجلمة الخوه الصدگ
ع الغيم امشي ومايضل باب بسلف ماينطبگ
ثاري الخيم من دون اخو يابالفضل تشبع حرگ
ورية اليتنفس گمر بطلعة شمسهم تختنك
بواجي عيوني وسواد امتوني لخوك.... حسين قربان
الك يلوالي رخص كل غالي ....وعله المذبوح عطشان
ويلاه....راح اروح واصيحن ياثگل حملي... يحسين
ولا فز واحد من اهلي .....عله وين
ويلاه....راح اروح عجيبه ولا اخو گلي ....عله وين
ولا فز واحد من اهلي ........عله وين
-----------
خوية انكسر ظهر الدلال وانذبح شريان الخدر
هسه اعرفت ياكافلي الماعدها اخو تروح بيسر
والعاش عمره بفي علم ماعرف شي اسمه الظهر
دار الزمان بكربلا وام الستر تطلب ستر
اجر حسراتي واضم دمعاتي ...واخاف تشوفها الناس
اطر الوادي واصد للحادي....واصيحن وين عباس
ويلاه.... راح اروح عفاني شلون الي مهجه والي عين
مشيت وگلبي يتهجه ....يحسين
ويلاه....راح اروح عجيبه ولا اخو گلي.... عله وين
ولا فز واحد من اهلي ......عله وين
----------
گلي يخويه بلا علم شسوت بحالج نينوى
ضل يطلع بكيفه ويطب ياخويه بخيامي الهوى
بالطف جوه اجدامي الجمر بس الحرك گلبي الضوه
متحفيه بس من الهظم ماحسن بجدمي انجوه
اريد اشكيلك واكول احجيلك ...عليه شصار ماصار
يبدر ايامي هذيج اخيامي صفت للخيل والنار
ويلاه ..راح اروح والي يمك وداعيه..والي دين
وعفافي يريد راعيه...يحسين
ويلاه....راح اروح عجيبه ولا اخو گلي.... عله وين
ولا فز واحد من اهلي .....عله وين
--------------
خويه گطع بينه العطش كل الدروب مسدده
واطفالي فحطها الركض من هجمت خيول لعده
واحدهم يحط ع الگلب جف رمل بي ريحة نده
ماليبرد بجود الگمر عود الرمال تبرده
وانا بنص هيمه عطشتك خيمه... وستر واخيال مو ماي
يبعد جروحي بمثابة روحي...جنت كل يوم وياي
ويلاه...راح اروح على الزين اليندبونه البجي زين
وحبيبي الشالت ضعونه....يحسين
ويلاه....راح اروح عجيبه ولا اخو گلي ....عله وين
ولا فز واحد من اهلي .....عله وين
----------
مابين مصباح الحزن وظهرية العاشر ضعت
وغروب عاشر كربله بالباجي من حيلي اطلعت
هميت لابن امي اشتكي ومن شفت حاله استرجعت
نايم اخيي اعله الرمل يمه اشتريت ومابعت
عفافي الرايح واخوك الطايح .. خذني من ناضري الشوف
بمصيبة عينك وكطع جفينك....كتلني الضيم والخوف
ويلاه...راح اروح ورقية ترتل وتنعه... يحسين
تنادي ويه كل دمعه ....يحسين
ويلاه....راح اروح عجيبه ولا اخو گلي ....عله وين
ولا فز واحد من اهلي..... عله وين
----------
الشفته بدرب سبي الضعن جملني عاشر كربلا
الفين تل ولا ظهر ناگه يحديها حرمله
ولا شاهدت مثله ولي من اولياء الله ابتله
السجاد ايده ورگبته يصبن دمه من السلسله
دمع صبيته يخويه امشيته الدرب ماجان مسحوك
ولاهي ابالي يبان اخيالي واطب لشام ع النوك
ويلاه...راح اروح يكافل خيمتي احضرني...يحسين
عذرتك وانته تعذرني...يحسين
ويلاه....راح اروح عجيبه ولا اخو گلي عله وين
ولا فز واحد من اهلي عله وين