كلمات قصيدة مشتاگة يهلنا عمار الكناني مكتوبة كاملة
قصيدة: مشتاگة يهلنا
أداء: الحاج عمار الكناني
كلمات: علي عباس الربيعاوي
----------------
مشتاگة يهلنا هواية مشتاگة
يا بوية يا بوية
وعيوني خذتها مشية الناگة
يا بوية يا بوية
عفتوني بگلب مجروح
وانتم مآخذين الروح
صعبة عالوحيدة تنوح
صعبة تنكسر الاحلام
وگفت كلش الايام
شيرتاح الجفن شينام
انشدمن على الماشين
من وين الضعن من وين
صعبة بدون وجه حسين
بس آهات بس النار
وشعندي بقى بالدار
ماضل اليودي اخبار
اخبار الأهل يا ناس حراگة
وعيوني خذتها مشية الناگة
مشتاگة يهلنا هواية مشتاگة
يا بوية يا بوية
وعيوني خذتها مشية الناگة
يا بوية يا بوية
اتعذب صرت بالآه
وجروحي ألف ويلاه
وشلون الحبيب انساه
لا ساعي يجيب جواب
عن سفرة هلي الغياب
هم عدكم خبر الاحباب
ما عدكم خبر ع الراح
لو اقرأ رسالة ارتاح
ذباح الهجر ذباح
ما ضل الحجي ينگال
مكسورة وعليلة حال
گلبي وي الضعينة ينشال
يكتلني الضعن يا وادم افراگه
وعيوني خذتها مشية الناگة
مشتاگة يهلنا هواية مشتاگة
يا بوية يا بوية
وعيوني خذتها مشية الناگة
يا بوية يا بوية
كل ساعة اركض اعلى الباب
مهضومة ودليلي انصاب
يا وسفة الهوى جذاب
ما يدرون لو يدرون
ودوا للبواجي عيون
اعرفهم هلي يحنون
گمت أتلمس الحيطان
وانطر دگة البيبان
وين اللمة والخوان
معلولة بدليل يلوب
والبيت اعلى ونتي يذوب
عندي ما بقى محبوب
لحگوا للگلب وآثار نتاگه
وعيوني خذتها مشية الناگة
مشتاگة يهلنا هواية مشتاگة
يا بوية يا بوية
وعيوني خذتها مشية الناگة
يا بوية يا بوية
ياذيني مسه الغروب
كلش موحشة الدروب
بس انا انتظر محبوب
يا ويل الهجر يا ويل
عالبلكت يحل الليل
والفرگة تريد الحيل
بعيوني صور الضعون
اول ما بدوا يمشون
عافوني وحيدة شلون
مو مال انشد يا ناس
حزني بيا حزن ينقاس
راح حسين والعباس
اتنطر گمت اي لحظة ملاگة
وعيوني خذتها مشية الناگة
مشتاگة يهلنا هواية مشتاگة
يا بوية يا بوية
وعيوني خذتها مشية الناگة
يا بوية يا بوية
اي واحد يوصللهم
ما تبقى عليلتهم
فوگ الموت فرگتهم
ثاري العلة علة افراگ
انحل كلش من اشتاگ
تكتل يا بشر الأشواگ
زيدني الحنين هموم
مالوم الگلب مالوم
تآذي ونة الملجوم
اليلگاهم يگللهم
ما توصل رسايلهم
منتظره خبر منهم