كلمات قصيدة حي على التطبير حيدر البياتي مكتوبة كاملة
قصيدة: حي على التطبير
الرادود : حيدر البياتي
الشاعر : مصطفى العيساوي
------------
شعيرة الله العظيمة بالدم
نحييها يوم العاشر بمحرم
تطبير .. تطبير
حي على التطبير
-----
هاي الشعائر مبدئي ونوماسي
ماشم هوى انه الحسين انفاسي
حسين انگطع راسه واطبر راسي
لتلومني يالماتعيش احساسي
للدين والمذهب صبح علامة
بعاشر محرم بيدي شايل قامة
تطبير .. تطبير
حي على التطبير
-----
رافع چفوفي وبيدي هاي القامة
وشلون ماطبر بهاي ايامة
العباس بالعامود طبر هامة
وبالدم يرسمون العشگ خدامة
والما فهمنة نگلة لازم يفهم
وقعنة ويه حسين موقف بالدم
تطبير .. تطبير
حي على التطبير
-----
عوف النصيحة وياي وانصح غيري
تفكير عقلك مو مثل تفكيري
انه اعله زينب بت علي تطبيري
بجمرة خيمها مشتعل ضميري
التطبير مايكفي حزن عليها
زينب سبيه والحبل بديها
تطبير .. تطبير
حي على التطبير
-----
هذا الجزع واجب يضل للمحشر
و كل عام لازم نطلع ونتطبر
زينب تبوس حسينها من المنحر
وتشوف اخوها عالتراب مطشر
صدرة انسحگ بالخيل الاعوجية
واعله الجمر داست جدم رقية
تطبير .. تطبير
حي على التطبير