كلمات قصيدة غرگانكم الملا محمد باقر الخاقاني مكتوبة كاملة
الملا: محمد باقر الخاقاني
الشاعر: حيدر شايع
اسم القصيده: غرگانكم
-----------
غرگانكم ماطلع من شط الحزن ضل گاعد ابيبانكم
طير ونوى يحط بغصن وانتم چثيره اغصانكم
بالماي يطفى المحترگ وانا احترگت بمايكم
چيه ماشرب عطشانكم...
متانيتكم ومايعرف يتاني.
امشي لصحن واشتاگ للثاني
يم الرضا وگلبي يحن للكاظمية
لسامره اطب وللنجف تصفالي نية
لصوب البقيع من التفت
وجداني يصرخ ياهلي تخلص وباجر جايكم
مو بس نساكم تنسي مسبية حتى دياركم
بسرداب غيبتكم اطب ياهلبت الگالي اثر
جم عين تعبت جم گلب من طول الغياب انكسر
ملفوفه رايتكم تضل لو تنفتح
يمتى ترد غيابكم
وبكربلا.. احتار اعطش واروى وابرد واشتعل
احتار احب لو انكتل
ماكو وكت!!!!
والدمعه اذبها اعله الطفل لو ع الكهل
ماكو وكت! !!
وجفوفي نيتها اللطم والنوگ اجت!!
والحيره الطم لو اشد ايدي بحبل
غرگاان..!!
والحيره ادور ع البجي
لو اطلب بذنبي انقبل
غرگاان...!!
غرگان والحل مو سهل
بالـ ياحـسين اذبل عمر
واشرب حنان ومرجله بـ ياابالفضل
انذبح واتعلم احب ابجي ويهز گلبي الذنب
وانا ادري بالدمعه الجذب ماتنمسح بردانكم
فتحولي گلبي وخلي احس بالنايم بحر الشمس
وانطوني نار خيامكم
سديته گلبي وماردت مفتاح مو مفتاحكم
ماعندي عادة بهالعمر غير البجي
وزلة لسان بغيركم كل الحجي
حتى الحجي البيكم اجه من الطافكم
شكد حلوه اضل محتاجكم
شكد حلوه احط خدي اعله ذيج اعتابكم
وكل اليصير وياي محد يدري بي بس انتم
وشباجكم
اعصب عيوني وع العطر اندل اجي الـ بيبانكم
غرگانكم....
اتمنى اصيرلكم عبد يتنفس بدخانكم
واتمنى يعميني البجي
ومايرجع لعيني النضر.
الا بمسح قمصانكم
وارضيكم واسجد شكر ..
واشتم ورد بستانكم
اتمنى اضل غرگانكم