كلمات قصيدة اذان العباس حيدر الفريجي مكتوبة كاملة
كلمات : تحسين الخفاجي
----------
اذن العباس حي اعله القتال
اولد زينب هوسو يم خالهم
هوه مو كلمن يجي ويهوه النزال
عفيه ولد اختي الكمر كلالهم
شمس كمر وانه القدر يرف بيدي اللوه
هله صحت واجه و شفت ضوة يتبع ضوة
اشوكت نطب عله الحرب نريد انشم هوه
عدنه اطلابه وطلابه جبيره
وفنه اليوصل الشيخ العشيره
احنه اكبار والوادم زغيرة
ومن عباس مملوحين غيره
امنه ودتنه ونعرف احنه الأصول
يله روحوا الخالكم وحجوله
احنه ما بينه اليضم راسه ويخاف
ولو ركبنه الخيل نلعب جوله
بدت تعد اخذ ولد يشيخ المرجله
قوه العزم اجت زلم تسد عين الفله
عله الجمر تريد امر تزلزل كربله
والعباس من كلهم نقاتل
حته عيونهم جدحت مراجل
وجت روسهم مثل المشاعل
ولد اخت اليسمونة ابو فاضل
هاي ساحة معركة تحب الثكال
الخوش زلمة اليوم خلي يدناها
صارت مراكض زلم تسحكه خيل
تيهت يسراها من يمناها
الحرب بدت صدك حلت عله حدود النهر
الهوه نكطع علي وطلع والف جيش نكسر
ضوه السمه تره إنعمه وطلع وجه الكمر
كل شي بكيفة والموت على راية
من يصول يبدي من النهاية
يتخير وينة وينة البيدة راية
بنص عيونهم يقرة النواية
نعرف الـ النة وعلينة شي اكيد
واليريد يطير ادينا تلوحة
والله ننطي اركابنة وماننطي بيك
وهاي ساحات الزلم مفتوحة