كلمات قصيدة محمد الجنامي مكتوبة كاملة
قصيدة :- عذبوني .
كلمات :- الشاعر وسام الشويلي .
أداء :- الرادود محمد الجنامي .
🖤🍁🍁🖤
يـا بـويـه تـدري بـالـجـره علينه علينه
ابنيتك مثل امك صفت حزينه حزينه
تـبـدي لـوعـتـي بـخـيـام
تـخـلـص قـصتي بالـشام
عـذبـونـي .. عـذبـونـي
🖤🍁🍁🖤
الــردت جـيـتـه ... ابـحـلـم شـفـتـه
و ظليت احجيله امصابي و معاناتي
آنـه مـن الـطـف ... دمــع مــا جــف
بـويـه مـن اجـروح الـزهره جـراحاتي
بالخيمه امتانيتك يا روحي و أملها
لـن انـظر عسـكرهم خـيمتنه دخـلها
و الـزهره المظـلومه دفعـوني مثـلها
الخيمه عليه ابلا رحم حرقها حرقها
مثل أمـك ابنـيتك لهب خنقها حنقها
أحــمـل ولــيـة الـظــلام
تـخـلـص قـصتي بالـشام
عـذبـونـي .. عـذبـونـي
🖤🍁🍁🖤
يـالـتـحـبـنـي ... الـشـمـر سـبـنـي
و أمك جي آنه أشبهها لطم خدي
على اعـيوني ... و عـلـى امـتـوني
يضربني و غير ادموعي فلا عندي
من قتله راح اشكي للوالي الفعلته
يا بـويه جـاوبنـي و كررها ضـربته
يا والي الظل عندج غير آنه ذبحته
جاوبته لا هسه يجي و اگله و اگله
من هذا يا بـويه اشـبعت مذله مذله
بـيـه امـن الــشــمــر آلام
تـخـلـص قـصتي بالـشام
عـذبـونـي .. عـذبـونـي
🖤🍁🍁🖤
صـريــخ اســمـع ... ركــض اطـــلـــع
اعثر و انهض و ابدمعي صحت وينك
يــبــويــه الـحـق ... جــمــر اســحــق
فـوك اعـيـالـك حـرقـوهـا صـواويـنـك
سلبوني و ضريوني و عيني ورموها
ومو قصه ترجيه و من عندي خذوها
يا بـويه الـهـاضمني ابنـيـتك سـلـبوها
قلتلهم اخذوهن شنو التراجي التراجي
رجعولي ابوي و اقطع البواجي البواجي
قــالــوا زهــرة الإجـــرام
تـخـلـص قـصتي بالـشام
عـذبـونـي .. عـذبـونـي
🖤🍁🍁🖤
صــحــت بــســمــك ... مـــثـــل أمـــك
منعوني ابجي اعله افراكك وأصب دمعي
يــــضــــربــــونــــي ... و يــــســــبـــونـــي
و بـسـمـار الـهـم يا بـويـه ابـوسـط ضـلـعـي
عـطشـانه و ذبـلانه و احـبال و سلاسـل
من احجي من ابجي ايضربوني الاراذل
ايعـوفوني من اوگع بويه و دمعي سايل
اركض و اوگع و الحبل بديه بديه
و زينب تنادي قومي يا رقيه رقيه
دهـري يا مصـايب ضـام
تـخـلـص قـصتي بالـشام
عـذبـونـي .. عـذبـونـي
🖤🍁🍁🖤
اويه كل ديره ... عشت حيره
أنظر بوجوه الوادم ولا شفتك
عـليك انـشـد ... مـتـه اتـعـود
قالوا بالشام الجيه على ابنيتك
يا بـويه شحجيلك عالشام و عذابه
جـابونه ابـلمـتنه و خـلونه ابـخـرابه
تـعبانه و بـدموعي اعفه اعله الترابه
مـو بالـحقـيقه بالـحـلم لـقيتك لـقيتك
و ابدمع الملاقه اشـكثر رويتك رويتك
عمري يريته يبقى أحلام
تـخـلـص قـصتي بالـشام
عـذبـونـي .. عـذبـونـي
🖤🍁🍁🖤
افــز دمــعـه ... و عـلـيـك انـعـه
تاليها القاك اقبالي ابطشت مرمي
يــوالــيــنــه ... الـحـضـن ويــنــه
طولك ضايع بس رأسك رجع يمي
يم رأسـك الفظها أنـفـاسي الأخـيره
ايدفنوني بالغربه بجروحي الچيبره
راح ابقى هنا وحدي اهنا قبر الزغيره
كل السبـايه تـرجع ابـظعنها ابـظعنها
و آنه الغريبه الضيعت وطنها وطنها
جـرحـي بالـگـبـر مـا نـام
تـخـلـص قـصتي بالـشام
عـذبـونـي .. عـذبـونـي