كلمات قصيدة ديوانك حلم كل عاشك مسلم الوائلي وعلي الوائلي
القصيدة: ديوانك
أداء: مسلم الوائلي وعلي الوائلي
كلمات: محمد الزيدي
~~~~~~~~~~~~
مولاي يا أنيس النفوس يا غريبا بطوس
~~~~~~~~~~~
بحساسي ... عشگ لعيونك
نبت وإندار من إحساسي لشرياني
شباجك ... حرز لجفوفي
صبح وتعلگ بطيوفك وجداني
يا غالي ... ضريحك بيتي
اطبلك شي بس اطلع منك ثاني
ياخذني ... سمار فيايك
وإذا مو يمك هم يمك تلگاني
إلك ماي ... بعيوني
وناغيك ... بجفوني
~~~~~~~~~
ديوانك ... حلم كل عاشگ
ترف يا محلاهه اعله الگبه الرايه
ما ناقص ... ضريحك هيبه
صدگ بس عوزك رايات ومشايه
سابيني ... عطر شباجك
احس ياخذني الطف حسين هوايه
للعاشر ... يجي وياخذني
يمر بيه بشط يلجم گلبك مايه
عطر بيك ... يجويني
للخيام ... يسبيني
~~~~~~~~~~~~
ناوشني ... جرح ونطيني
جزع يا سلطان بعازة دمعاتك
عيشني ... حزن راويني
ضعن بي راحن للغربه عماتك
سولفلي ... ذبح وقرالي
سحگ جم حافر ساحگهن شيباتك
راويني ... علم دايسته
زلم جويني بلوعاتك وآهاتك
أون كون ... ياروحي
عله حسين ... مذبوحي
~~~~~~~~~~~~
من حيلك ... ردت للمجلس
ردت للمجلس من حيلك تنطيني
بجيني ... على المسبيه
عله العلويه عله الما نامت بجيني
كل دمعه ... شرط لخيامك
تصب خليهه نيشان بنص عيني
كل لطمه ... تعور عابس
إذا الطمهه اعله حسينك خليني
هلجفوف ... حط بيهن
لطم كون ... يجويهن