كلمات قصيدة دارت على حسين الكوم مسلم الوائلي مكتوبة كاملة
القصيدة: دارت على حسين الگوم
أداء: مسلم الوائلي
كلمات: داخل جويد العگيلي
~~~~
ظل بكربله محتار وحده يصيح ابو اليمه
ودارت على حسين الگوم والعباس مو يمه
~
دارت على حسين الآف گوم تحازمت بالشر
وين اهل الدرع والطاس تلحگ عالسبط تنغر
حيود مطرحه يا حيف والغمان تتبختر
وزينب ظلت بحيره وحسين انهدر دمه
~~~~
ينادي والدموع جواب ايس ما يحاجونه
ظل بلا تجيه حسين بس يدير بعيونه
يصيح بحسره لنصاره ولا جنهم يسمعونه
وهدت عالخيام الخيل وصارت عالسبط لمه
~
ضاگت وين ابو فاضل اخوي وگرة عيوني
احشم ما سمعت جواب ليش وحيد عفتوني
وين اهل الشيم يا حيف ما بيكم تعينوني
كلكم صرعه عالتربان ولا واحد يرف علمه
~
كلمن صاحله بأسمه ودمعه اختلط وي دمهم
صاح الحگني يا عباس وتمنه يگومهم
نوبه للخيام يشيط نوبه يرد يحشمهم
نوبه يم حبيب يروح يشكي غربته وهمه
~~~
گامت ترجف الأجساد من سمعت ينادي حسين
گام وطاح ابو فاضل بلايه جفوف وبلا عين
ضاگت كربله بالگوم ومضيعه المفر لاوين
لو مو الله راضيها جان انگلبت الأمه
~
عباس انهدم حيلي وطاح بطيحتك يا حيد
وخلافك تركت حسين ظل يحارب بفرد ايد
ريت تشوفني بيا حال ومره الوكت بيك يعيد
جان بيمنتك عباس طفهم ضيعت علمه