قصائد سيد فاقد الموسيوي مكتوبة اكثر من قصيدة مكتوبه كاملة
كلمات قصيدة حي الله ابو فاضل سيد فاقد الموسوي
#حي_الله_ابو_فاضل
ياعباس كلشي من نخلق صار
..بالدنيا اعلمودك
غيم الله ومطرها الطاح عل گاع
..كله بفضل جودك
انتَ العلمتنه نحب الحسين
..غير الزود زودك
لولا حسين وانت كلشي ماصار
غير الخلفاكم علي الكرار
ياشيخ المراجل .. حي الله ابو فاضل
ماتاب اعله ادم الله لولاك
..يمعدل المايل
يونس ماطلع من ظلمة الحوت
..لوما انت كافل
انشگ البحر چي موسى عل ماي
..صاح اسم ابو فاضل
ولا سارت سفينة نوح ياناس
لوما صايحين دخيل عباس
ياشيخ المراجل .. حي الله ابو فاضل
لوما شاربك چا مامو رجال
..ياهيبة زلمنه
ولاطلگت مرة ولا صارت اجيال
..يالبختك يلمنه
لاندري شحچه القرآن وشگال
..يالعندك علمنه
تعلمنه الصلاة من ذني الاثنين
چفوفك وانحنائك يم الحسين
ياشيخ المراجل .. حي الله ابو فاضل
تعلمنه القراية منكم هواي
..مو من المدارس
انتَ العلمتنه نحب الحسين
..من جنّيت عابس
تعلمنه اليريد يصير وفّاي
..يلطم بالمجالس
والرايد كرامة ورفعة الراس
خل يشيل ادي ويصيح عباس
ياشيخ المراجل .. حي الله ابو فاضل
عيونك هنه سون للسهم صيت
..وچفوفك مناير
صدرك صار حضرة بطف الحسين
..وتطوفه الحوافر
كلشي اعليك ينهد زاير يصير
..حتى الرمح زاير
لوما جربتك مچفيّة مولاي
چا ظلت الدنيا بحسرة الماي
ياشيخ المراجل .. حي الله ابو فاضل
ــــــــــــــــــــــــــــــــــــــــــــــــــــــــــــ
✿ اداء : سيد فاقد الموسوي
✿ الشاعر : سيد محمد الموسوي
كلمات قصيدة ودعوني سيد فاقد الموسوي
#ودعوني
ودعوني يابعد الحسين وگلبه
عباس كلكم ماشفتكم غربة
صاحوا.. راحوا صحبتك
صاحوا.. ظل بغربتك
بعد الحسين وگلبه ..
ــــــــــــــــــــــــــــــــــــــــــــــــــــــ
ودعوني هذا اول جفه
يخوان عيني ورمشي
من تبطي نومتكم تره
تمشي الرماح بنعشي
لاصارت ولاحسبّت
وانه الحسبت لكلشي
سبعين صاحب ميت و
جنّاز واحد يمشي
انه اليفتح گوه عيونه .. من دموعه
انه المطبوگات ضلوعه .. اعله ضلوعه
ياحيل ظل ماينهدم
واسمع گمت عدواني
لو شيل واحد صيحوا
يحسين طاح الثاني
شايل زلم وين البحضني تربّى
عباس كلكم ماشفتكم غربة
ودعوني يابعد الحسين وگلبه ...
ــــــــــــــــــــــــــــــــــــــــــــــــــــــ
ياحيرتي الماتنوصف
اوصلكم واجزيكم
الگاكم وماصدگت
وارجع وادور اعليكم
يمطشرين من النهر
للخيمة المن بيكم
واحد بصف الثاني احط
والحافر يدنيكم
متغيرين ووجهي الطايح .. ماديره
يوگف گلبي وتركض جدمي .. من الحيرة
للخيمة اوديكم ردت
تدرون بيه شصاير
دنيتكم مو وحدي
وياي چان الحافر
صاحوا غريب وهيَّ هاي الصعبة
عباس كلكم ماشفتكم غربة
ودعوني يابعد الحسين وگلبه ...
ــــــــــــــــــــــــــــــــــــــــــــــــــــــ
بالگاع خدكم سوه اثر
من كثر ما متلافت
خاطر اشوف الينذبح
يرفع الروس الشامت
عاذركم شما صيحت
متعوب حيلي وباهت
هو اني من گد العطش
حتى من اصيّح ساكت
اركض وكتي وحاير كلش .. خلاني
اوصل يم اخواني ويذبح .. صحباني
يل چنتو وي الدم سوه
تمشون بيه وي الدم
معقولة شفتوا حسين اجه
وماوگف واحد سلّم
وفيتوا يل منكم وتگضي الصحبة
عباس كلكم ماشفتكم غربة
ودعوني يابعد الحسين وگلبه ...
ــــــــــــــــــــــــــــــــــــــــــــــــــــــ
الله يعينك وحّدك
ماخلص عمرك بعده
غطيتهم عن الشمس
بس الرمل شيبرده
السيف يثگل بالذبح
شيفضها هاي الشده
گدما يعور الينذبح
يگعد الميت گعدة
وين اشرد منكم حتى الدم .. ماشوفه
انه الغطه عيونه ودمكم .. بچفوفه
كلساع اموتن بالخيم
والموت واحد عدكم
الف وتسعمية جرح
ماموتني بگدكم
وين العزيز بچفي هذا مگلبه
عباس كلكم ماشفتكم غربة
ودعوني يابعد الحسين وگلبه ...
ــــــــــــــــــــــــــــــــــــــــــــــــــــــ
عفتوني ليش لوحدي
مكسور ظهري ومايل
فارگني وين الچان الي
يعرف بگلبي شگايل
ذباحكم جازي الرگب
للگاع بيكم نازل
انه الخطية الوحّده
السبعين صاحب شايل
انه التطلع روحه وتركض .. گدامه
انه اليسمع گواك الله .. من اجدامه
هسه انت ميت لو عدل
ياگلبي بس حاچيني
عافوني البعيني ضوه
هسه السهام بعيني
ياخذني كل حافر يمر بدربه
عباس كلكم ماشفتكم غربة
ودعوني يابعد الحسين وگلبه ...
ــــــــــــــــــــــــــــــــــــــــــــــــــــــ