كلمات لطمية خبر عاجل سيد فاقد الموسوي مكتوبة كاملة
تحميل قصيدة خبر عاجل سيد فاقد الموسوي, قصيدة خبر عاجل سيد فاقد الموسوي كلمات
![](https://blogger.googleusercontent.com/img/b/R29vZ2xl/AVvXsEitTDhNsrcXHZ4410MurIVh7DnU8wPtzTQkZlD5StmaXtXs0NXmO_xpCIicYWglAOFR7J8565IQPYpNwtdMwTDO9san-vBNn-SYvZgI60Kv2e_PXqZ3p4j1ZCn9vA0HJY4j-aLQu_Thv7l0mHUkPdr-4Hd3GhyL-OShsk7G-Yc4Mj-42G4oDSnxGhbWQxkZ/w640-h360-rw/maxresdefault.jpg)
#خبر_عاجل
لابد يجي يوم نبني المنارة
وبصحنچ الناس تقره الزيارة
ونبث خبر عاجل .. هاي أُم ابو فاضل
نبني المنارة .. نبني المنارة ..
ـــــــــــــــــــــــــــــــــــــــــــــــــ
لابد يجي يوم ويهل
صاحب الراية الخضرة
وهناك يبنيلچ گبر
يَم البنين وحضرة
ونوب يتلگاه علي
ويمسح دموعه الحمرة
ويگله جمّع شيعتي
ودليهم اعله الزهرة
دليهم وروح للمو صحابة
واثبت حچي الگال عنهم عصابة
صيح اعله كل عايل .. هاي ام ابو فاضل
نبني المنارة .. نبني المنارة ..
ـــــــــــــــــــــــــــــــــــــــــــــــــ
كلشي لمكانه الصح يرد
وارض البقيع الغاية
بيت الله يرجع هاشمي
ايبدل الستار براية
هالمرة محّد تنسبي
ونوگف عالمسناية
واليطلع بعدة وعدد
نطلعله بالمشاية
بيت الله ياناس بيت الهواشم
والبي علي صار يرجعله لازم
مو واحد يجامل .. هاي ام ابو فاضل
نبني المنارة .. نبني المنارة ..
ـــــــــــــــــــــــــــــــــــــــــــــــــ
محّد وصل ذاك الوفه
بشر ابن حذلم شاهد
من صاحچ ام الاربعة
گلتيله ام الواحد
ولدي ورگبتي وكل هلي
ودگات گلبي الفاگد
ياهو اليرد حسين الي
ياخذهم بدم بارد
مو زينة الاخبار المن تنشدين
لمينه السيوف بس ضاع الحسين
من السحگ نازل .. هاي ام ابو فاضل
نبني المنارة .. نبني المنارة ..
ـــــــــــــــــــــــــــــــــــــــــــــــــ
للغيم يم الاربعة
گبرچ هلچ يبنونه
كون اليصلي بكربلا
تشوف البقيع اعيونه
يم اليعزّب بالنفس
لو رادوا يحشمونه
ذب چفه گالوا بس تره
العباس ذب امتونه
يم اليعزبون بالدم والرگاب
لجل ام الحسين گبرچ بلا باب
تربيتچ الكافل .. هاي ام ابو فاضل
نبني المنارة .. نبني المنارة ..
ـــــــــــــــــــــــــــــــــــــــــــــــــ
طلّاب حگ عدكم بعد
لابد يرد بحگه
والسامع وتابع لَهم
والشاف والسد حلگه
عالتل يحطه ويندفع
ويجيب خيل تسحگه
ويذبحه ويرجعه عدل
ونوب كون يحرگه
من ياخذ الثار هم تبقى هضمة
المهدي ياناس مايسبي حرمة
ثار اهله ما كامل .. هاي ام ابو فاضل
نبني المنارة .. نبني المنارة ..
ـــــــــــــــــــــــــــــــــــــــــــــــــ
✿ اداء : سيد فاقد الموسوي
✿ الشاعر : حمزة الحسناوي