كلمات قصيدة طاحت رايتك مسلم الوائلي مكتوبة كاملة
![ملا مسلم الوائلي ملا مسلم الوائلي](https://blogger.googleusercontent.com/img/b/R29vZ2xl/AVvXsEgopdBEbtvt48dBjDZWDZK5RAdOWus_i5vLLGiBXaGd1p7_CICeL7dsISRr_7JrSE7p9qClT8mn8sQL31ep_JCM6-7IPgSIzLYc_uwfSFz5AsQ96ARKeWpzScmpr8a_MTDDqOHf-1g81y2mZlRYbppypkQk5QymdPKcWbWP9sTfaak1pPU5wz6_ENGToQ/w640-h360-rw/maxresdefault%20(1).jpg)
ملا مسلم الوائلي جديد,ملا مسلم الوائلي وملا علي الوائلي,ملا مسلم الوائلي شور,ملا مسلم الوائلي شلون بحصيره تنجمع,ملا مسلم الوائلي جديد شور,ملا مسلم الوائلي روحي,ملا مسلم الوائلي يا راكضات من الخيم,ملا مسلم الوائلي يا رايحين
القصيدة: طاحت رايتك
أداء: مسلم الوائلي
~~~~
اعذرني طلع جدمي من اخيامي لصحره
اول مره يا عباس اخيالي ابنادم ينظره
جوه اخيامي حيره ونار بس هيه الاشد بره
صعبه اعله الاخت وتشوف اخوها الحافر بصدره
گدامي شفت يموت الحسين
وعينه عليه ايطيح ويگوم
يا روحي موتي المن تضلين
وحسين شيبه مخضب دموم
موتي يا روحي .. حسين اگبال عينج
~~~~
اول خطوه الي بعمري اخطيها انه بله اخواني
شكبرها عليه يا خويه طلعتي بغير ولياني
الهظيمه الما سمع بيه ولا فد مره شافاني
شايل رايتك بيده وگف گدامي حاجاني
ويصيح كفالج بعد راح
اي رجعه منه لا تنطرين
حيلي يخويه من الهظم راح
وي طيحة افياي الصواوين
حرگوا اخيامي .. وبيش اطفيها خويه
~~~~
يبو فاضل صعدت التل وحيده وگابعه بهمي
احشم يا گمر عدنان انشل من الركض جدمي
عگبك يا ابو فاضل بيش يا خويه اشد عزمي
خيالي انشاف بالحومه ومعناها انعرف اسمي
ما مار اسمي ابال انسان
من طحت خويه الگوم گالوه
وسفه عقيلة بني عدنان
بضعني غرب باجر يماشون
غربه يحدونه .. خلافك يبو فاضل
~~~~
طاحت رايتك وانه طحت وبادن اجدامي
وعندي اثمنطعش خيال انذبحوا خويه گدامي
يالطحت اعله جرف الماي وما ضگته ومتت ضامي
مثلك خويه اجيب امنين اخو يدافع عن اخيامي
مثلك يحيد امنين ينجاب
كافل خدر ضعن العفيفات
عگبك حدانه بهيمه سلاب
وسمونه يا خويه الغريبات
ومايله الدنيه .. وي زينب يخويه
~~~~
حرگوا خيمتي وانه جوه الخيمه محتاره
عدوك فاگد الغيره وفوگ اخيامي شب ناره
اطلع خاف الآگي الخيل اريدن يالگمر جاره
حرمه شلون بيه بهاي عليه من تهد غاره
شلون اطلع وگدامي سبعين
عيون خيول وي ناس كفار
مجبوره اطلع ولحگ حسين
ما ظل لخويه اهنانه نغار
كون اجيبنه .. ومن بين الحوافر