كلمات قصيدة ما افارك ظعونك سلام الحسيني ومحمد باقر الخاقاني
.jpg "كلمات قصيدة ما افارك ظعونك سلام الحسيني ومحمد باقر الخاقاني")
القَصيدة:مَا افَارك ضَعْونك
أداء:سلام الحسيني ومحمد باقر الخاقاني
كلمات:أنور المُوسوي
ــــــــــــــــــــــــ
يَ الي ضَاعِن رَحيلك..دَخيلك..جتّفاني الذَنب
حِل وثاقي المَنعني..واخِذني..تَابع لهالرِكب
اجَيتك..مِن بعد دنيا اجيتك
حَميتك..دَاخل اني حَميتك
حَيائي..شَ اردّ اگلك حَيائي
اسَتحيتك..وآنه عَاصي بَ جَفائي!
يَ الي للتَوبة بَاب فَاتح مَا تسدّه السِنين
شَنهو يمنعني مَا ارجَعلك وارتجي ارَحم حَنين؟
آنه لاحگ هَواك طَالب عَافية مِن الضَياع
وما تعوفه الَ وراك يصرخ رَحمتك يَا حُسين
انتَ الذي انعَمت..انتَ الذي احَسنت
انا الذي اسأت..انا الذي اخطأت
حَبيبي يَا مَولاي
ــــــــــــــــــــــــ
طَهّره گلبي بَ عَذابك..عِقابك..لا يَكون البُعد
اكثِر مِن التفاته..لَنجاته..مَا يَريد العَبد
ذَنوبه..گلبي احرگه بَ ذنوبه
عقوبه..هَواي هَجرك عقُوبه!!
اريدك..يابو الاكبر اريدك
بَ رِكابك..ايدي تَچتفها بَ ايدك
مَا رَحمني الجَفاء وگلبي فراگك مَلوّعه نار
شَباقي مِن عُمري حَتّى اني ويَاك اخلّصه اعتذار؟
شَلون اعوّض الرَاح مِنّي شَلون اردّ مِن جَديد
ما اقرّ بَ عذاب جَرحك بَس احب بَ قَرار
انتَ الذي اعَطيت..انتَ الذي آويت
انا الذَي عَاهدت..انا الذي اخَلفت!!!
حَبيبي يَا مَولاي
ـــــــــــــــــــــــ
خُوفي يَكبر واعاني..زِماني..لا يَزلّ القَدم
انطيني صكّ بَ ضَمانك..امانك..ابَقى ويّ الخَدم
خَسارة..كَلشي دونك خَسارة
طَهارة..بَس خِدمتك طَهارة
عَرفناه.. حُبّك الرَحمة مَعناه
حُسيناه..احَلى چلمة حُسيناه
احَلى كَل الكلام اسَمك والدمُوع الشَهود
لَحظة لمّن انول وصَلك تسَوه عِندي الوجود
الله سَوّه الخَلود لأجَلك للبَچي بَلا فَناء!
يَعني دَمعة بَ عَزاء حِزنك دَمعة مِن الخلود!!
انتَ الذي هَديت..انتَ الذي اغَنيت
انا الذي جَهِلت..انا الذي غَفلت
حَبيبي يَا مَولاي
ـــــــــــــــــــــــــ
بَ رحمتك گلبي طَامع..واتَابع..يَمتى احصّل الرِضه؟
ويّ ضَعْن المَشاعر ..اهَاجر..وانسى كَل المَضه
عيُونك..تلَمني خِيمة عيونك
وضَعْونك..ما افَارگ ضَعونك
يَقيني..ما تردّ چَفي حَاشه
نَخيتك..اعَطش ويّ العَطاشه
يَ الي مَاشي بَ دلال گلبك لَأقسى مَذبح دَلال
يَ الي مَاخذ جَمال ضَعنك للعَطش والرِمال
اخَذه گلبي يعَيش خَادِم يَم رُقية ويمُوت
مِن يمُوت اللقاء وتصَرخ بَ الخرابة تعَال
انتَ الذي رَزقت..انتَ الذي اكَملت
انا الذي سَألت..انا الذي رَجوت
حَبيبي يَا مَولاي
ــــــــــــــــ
آنه ربّاني خِيرك..اسَيرك.. مالي غِيرك احد
يَا قَراري النهائي..وعَزائي.. مِن المَهد للأبد
اُمنياتي..اني كُل اُمنياتي
حَياتي..ويَاك اخلّص حَياتي!
أميري.. وسَيّدي المَاكو غِيره
ضَميره..رَحمة الله ضَميره
امَشي عَنّك واجيك دَمعة بَ بَابك شَما اضيع
وبَ خريف الحَياة اسَمك يا حُسين الرَبيع
يَا رَبيع الي مَات ضَامي وطَلبة اطَفاله مَاي
وبَچّه حَتّى الجَماد لَمّن ردّ ب ايدينه الرَضيع!!!
انتَ الذي رَحِمت..انتَ الذي سَترت
انا الذي اعَترفت..انا الذي اقررت
حَبيبي يَا مَولاي