كلمات لطمية موعود الك الرادود سيد محمد الحسيني

 كلمات لطمية اقدس شريعة محمد باقر الخاقاني كاملة مكتوبة

محمد باقر الخاقاني,محمد باقر الخاقاني ليالي الجرح,محمد باقر الخاقاني استشهاد فاطمة الزهراء,محمد باقر الخاقاني استشهاد الامام علي,محمد باقر الخاقاني شور,محمد باقر الخاقاني دنيانا ظلام,محمد باقر الخاقاني هاي الدنيا رحلة,محمد باقر الخاقاني استشهاد الامام الكاظم,محمد باقر الخاقاني سلام عن بعد,محمد باقر الخاقاني وطن حبك

قصيدة:- اقدس شريعه

اداء:- محمد باقر الخاقاني 

للشاعر:-احمد الهلباوي 

…….................

نشر الظُلامه..لضلع الوديعه

اقدس شريعه..ولبس السواد 

صوت الامامه..يقره المُصيبه

الرضا ابنحيبه..وابنه الجواد

انفاس الجواد اشگد حزن واشگد هضم بيها

للزهره والخد والضلع دمعاته يجريها

عمره اربع اسنين وجزع عاللي جره اعليها 

الماتت عمرها اثمنطعش يادمعه تكفيها 

يصك يسراه عله ايمينه 

كسر گلب الرضا اونينه 

ويگله انته كفوها وقبله ابعينه

ابد ماننسه حرگ الدار 

وضلع امنه وهذيج النار

وهضيمه گلب ابونه وشوغة البسمار 

فَبرِئنَا مِنهُما ماقَد حِيينا

وطَهُرنا بِولايتكُم علينا

…………………

شر الخليقه..الناقص براءه

واعظم اساءه..للعتره هاي

ينفي الحقيقه..ميت ضميره 

لاعنده غِيره..او لا عنده راي

ماكو امام الا وذكر مُصايب الزهره 

ويلعن عدوها ويدعو ان من عنده نتبره

وهذا الجواد ابحضن ابوه يشرح الم صدره

ويبچي عله امه ومُحسن المقتول بالعصره 

تصور كل مرارتها 

وأثر دم اعله وجنتها

وگطع ارذل خلق الله اراكتها 

حلف گال الا اراويهم 

وانه احرگهم واذريهم 

العله باب الزچيه امتدت ايديهم

فَبَكينا جرحَكُم قَلبًا و عَينا

وطَهُرنا بِولايتكُم علينا

……………………

السلطان امامي..يكتم بُكاءه

وينصب عزاءه..وحده اوينوح 

وهاي الروايه..هو الحچاها 

واشگد بچاها..ذيچ الجروح

هذا الرضا اترف گلب واعظم حزن عنده 

من يذكر امه فاطمه كل حيله يتبده 

يتذكر الجاني الحرگ باب امه واتعده 

چفه عله امه الطاهره ومحد حچه ورده 

جرح ينزف ولايبرد 

حرگ بابي وتجاوز حد

ولهذا اليوم لا كُبه ولامرقد 

اليجامل عالضلع غدار

يحط نار اعله ذيج النار 

ياكل منهم وينكر هجوم الدار

مِنهُمُ ها قد بَرِئنا مُذ وَعينا

وطَهُرنا بِولايتكُم علينا 

…………………

الـ(وإن)مُصيبه..واول اشاره 

واعظم جساره..واصل العذاب

الزهراء غريبه..وينهد ركنها

وايطيح ابنها..ويعصرها باب

مُصيبه ما اعظمها امصيبه علي وفاطم

امهم عصرها واشتفه ابوالدهم الظالم

هالصرخه مو بس للجواد الكل بني هاشم

ويلاه يضلع ام الحسن من طه للقائم

ولا بسم ثغر معصوم

من يوم الـ(وان)لليوم

الظالم طيحوله وزهدوا المظلوم 

اللعين الثاني بل واسفل

اباليس الأرض وانذل 

العنه والعن اللي بلعنه مايقبل 

فَلدينا لَعنَهُم شَرعًا وَدينا

وطَهُرنا بِولايتكُم علينا

…………………

ابعبره اليمه..الرضا اويه ابنه

يحجيله حزنه..ابهذا المُصاب

شالو هضيمه..لعلي وغُربته 

ودوسة عتبته..وهتك الحجاب

آه ياكسر خاطرهم اعله الماتت ابدفعه 

وابليله ظلمه تشيعت واندفنت البضعه 

الله ياصبر الصُميده وغُربته ودمعه 

وانولد ميت مُحسن وماكمل التسعه

مُصيبه التكسر الخاطر

يموت البعده ماصاير

وهذا الي ذبح عبدالله بالعاشر

منا كربله انحدرت 

وخيل اعله الخيم عُبرت

وعله الضامي مُصيبة غُربته كُبرت

فَصرخنا سادتي أي واحُسينا 

وطَهُرنا بِولايتكُم علينا

تعديل المقال