في هذا المقال نقدم لكم قصائد الرادود مرتضى حرب مكتوبة
قصائد مرتضى حرب مكتوبة , اكثر من 20 قصيدة للرادود مرتضى حرب مكتوبه
******************
☜ بـسمـه تعـالى ☞
الـقصـيدة : ردن غريبات
اداء : مرتضى حرب
كلـمات : مرتضى حرب
★★★★★★★★★★★★
ردن غريبات المداليل يحسين تعبهن مشي الليل
يالمدللهن اجن على الوينك يلتجن
ردن غريبات .. ردن غريبات
★★★★★★★★★★★★
مشي اللي يا وليهن ليك ردن ملگه منك رايدات
اكعد اكعدهل اجنك ياحسين الغاليات
اصواتهم والشوف راحن من هد كلمة رايحات
فرد ركضه عليك ركض المن تعبهن راكضات
صاحن اجيناكم يالحنان طروا الحود وشگو الجفان
الما يعتبن يستحن يالمدللهن اجن
ردن غريبات .. ردن غريبات
★★★★★★★★★★★★
يا هظمهن ويا تعبهن ويا دوارتن عليك
من يطيحن فوگ گبرك ياحسين شلون بيك
يا حسين الحگنه انهظمنه وجينه ليك
ا هنا يا ابو عبد الله يمكن بگبرك و تصفگ اديك
اهنا سهم گلبك ينزف اردود
لو صاحن اتعبنه يالحيود
من على النوگ وهون يالمدللهن اجن
ردن غريبات .. ردن غريبات
★★★★★★★★★★★★
اجروح گلبه حيل صحان ياهله بضعن العذاب
اجروح منهن خجل بنزل والضعن كله عذاب
شلون لو گعدن بصفك وظلت اتلولي الرباب
اشلون لو صاحن باسمه اگعد وزيح التراب
يعتابهن بالگلب نشاب
والمستحه اثگل من التراب
حگهن من يعاتبن يالمدللن اجن
ردن غريبات .. ردن غريبات
★★★★★★★★★★★★
حدر يا في بعد يبقن غالياتك ياحسين
مثل مان عيون اهلهن بعد يلكن هيج وين
يهل زينب من اهدكم گلب زينب ما هو زين
التمو خل تلم اختكم وخل حنين ايلم حنين
يحسين والله احتارت ام عون
لدياركم من ترجع اشلون
فز يالمحلي الضعن يالمدللهن اجن
ردن غريبات .. ردن غريبات
★★★★★★★★★★★★
لا تناشد عن رقيه ... هالسؤال يريد حيل
وانه خلصانه يخويه جواب بدموعي التسيل
الماتت بنصهم رقيه گلوبهم يا خويه ليل
نكسر الخاطر ومحد كلهه ماجور العليل
غسله بيده زين العباد ردينه وبنيتك بقت غاد
حگهن من يعاتبن يالمدللهن اجن
ردن غريبات .. ردن غريبات
★★★★★★★★★★★★
اضغط هنا لمتابعتنا على التلكرام
☜ بـسمـه تعـالى ☞
الـقصـيدة : لا تسألني عالفرگه
اداء : مرتضى حرب
كلـمات : ابو معصومة الفريجي
☆☆☆☆☆☆☆☆☆☆☆☆
يابويه من تسألني عالفركه
انه اكثر من الخيمه محتركه
اكعد جبتلك شربة اميه
بلكت تكلي شبيه مابيه
بويه .. بويه
☆☆☆☆☆☆☆☆☆☆☆☆
الماي من جابوهه اليه
ومن جهبته اتعذبت
وجبته يحسين واجيت
ما اشرب كبلك كلت
بين هاي الجثث كلها
يمك بساع اوصلت
عطرك الجاباني يمك
ماتعبت ودورت
☆☆☆☆☆☆☆☆☆☆☆☆
يابويه من بين الجثث كلها
المدلله اتحن لليدللها
جنك تناشد هيه مو هيه
بلكت تكلي شبيه مابيه
بويه .. بويه
☆☆☆☆☆☆☆☆☆☆☆☆
ضام جفك خاف اشوفه
وعلى الخنصر تنسأل
حته لو مكطوع اصبعك
امسح ادموعي التهل
انه جيت ارد اشتكيلك
كلت هسه الكا عدل
كلبي ماينطيني اعوفك
بس شسويله الحبل
☆☆☆☆☆☆☆☆☆☆☆☆
يابويه ضلت عيني بعيونك
عن اغلى شي عندك يبعدونك
بهالروحه ماترهم بعد جيه
بلكت تكلي شبيه مابيه
بويه .. بويه
☆☆☆☆☆☆☆☆☆☆
الطفله اذا يهضمها واحد
تبقى دمعتهه تصب
تشتكي تروح الابوها
وبالاخص من تنضرب
شنهي رايك بالخذوهه
تناشغ بهذا الدرب
بعينها تموت البراءة
التمشي وي وادم غرب
☆☆☆☆☆☆☆☆☆☆☆☆
وبروحي ماتت جلمة البابا
مو حكة كلبي يزيد اعتابه
عد الهواشم طفله مسبيه
بكلت تكلي شبيه مابيه
بويه .. بويه
☆☆☆☆☆☆☆☆☆☆☆☆
هاي دنيا شلون دنيا
البيها جسمك منسحك
بيها كل احلامي ماتت
من اهد ذاك الحرك
بويه مامتعوده اعوفك
ليش صارت نفترك
حيل مشتاكه الحنانك
والرمح ما ينشبك
☆☆☆☆☆☆☆☆☆☆☆☆
وعيونك الماعافت عيوني
من اتدنه يم راسك يضربوني
ماكال واحد هاي علويه
بكلت تكلي شبيه مابيه
بويه .. بويه
☆☆☆☆☆☆☆☆☆☆☆☆
راح اروح وروحي يمك
وامشي عنك بس جسد
خاتمة حزني الخرابه
خذت من راسك وعد
اسياطهم نزلت عليه
وما احس بيهن ابد
شنهي اكثر من فركتك
توجع ابنيتك بعد
☆☆☆☆☆☆☆☆☆☆☆☆
يابويه لعيونك يمشنها
مسبيه بنتك بس ولاجنها
مادام عطرك تارس الريه
بلكت تكلي شبيه مابيه
بويه .. بويه
☆☆☆☆☆☆☆☆☆☆☆☆
"بـــــــســــــــم الله رب الـحُـــــســــيـטּ "
القصيدهَ:- وينك يـغايب
اداء:- مرتضى حرب
ڪلمات:- سـيد محمـد المـوسوي
ـــــــــــــــــــــــــــــــــــــــــــــــــــــــــ
وينك يغايـب والد و؏ـاتب
انه ابوك الـ؏ـسڪري وينك يـغايب
ـــــــــــــــــــــــــــــــــــــــــــــــــــــــ
جـرح بسـمار وباب بي نار
وعطـش وخيول وذبح
ابدي بويه بيا جرح
جـم طفـل نام. بـيـטּ الاسهام
ڪربلا مات الـعشك
حسيـטּ صدره ينسحك
يالوعه اضمها بڪربلا واحجي يالوعه
بويه بحوافرهم طحن طحنوا ضلوعه
شيخ العـشيره. نشال بحصيره
•••••••••••••••••••••••••••••••
مـرت سنيـטּ رايتك ويـטּ
حـسين طاحت رايته
والحوافر داسته
وعلى الرمح راس. هذا عباس
سيوفهم ماذبحته
الغيره هية الڪتلته
من شاف المخيم ڪوه وعطشت سڪينه
ڪطعوا يمينه والسهم نابت بعينه
ومن طاح اخوها. زينب سبوها
•••••••••••••••••••••••••••••
ثاني عاشـور. هدم الڪبور
داير علينه الحزن
بذبح لو سم لو سجن
المات يرتاح واحنه الارماح بروس
موتانه مشت
وانه روحي تعذبت
سامرا بيها جم جرح بيها لو تدري
لحڪوني بوية على الڪبر وهدموا ڪبري
جرحي وطبيبه. طول مغيبة
•••••••••••••••••••••••••••••
غير اليعود. بيته موجود
اهلة تتلڪى سوة
وتنترس ريته هوة
وانت لوجيت فارغ البيت ياهو الي يڪلك هلا
ڪلها موته بڪربلا
باجر يبويه بڪربلا توڪف اهواية
تذڪر عمامك والضمه وطيحت الراية
تذڪر محامل هودجها مايل
•••••••••••••••••••••••••••••
؏ـدنه ثارات للسبيات
خذوا زينب عمتك بوية عجل طلعتك
بخربه الشام. زينب تنام
من عكب ذاك الخدر بت علي طب القصر
عبدالله بوية بڪربلا تنزف جروحه
طلع السهم من رڪبته وخل ترد روحه
راية بيمينك. لاتغفى عينك
••••••••••••••••••••••••••••
قصيـدهَ:- فطـرة ؏ـجوز
اداء:- مـرتضى حـرب
ڪلمات:- ؏ـلي ڪاطع البهادلـي
ـــــــــــــــــــــــــــــــــــــــــــــــ
مـثل فـطرة ؏ـجوز انـطيني فـطرة
تڪابل صورتك وهواية تقرهَ
وبالـحايط تڪض وحيل مقهورة
وبشيلتها تمسح جامـة الصـورة
ـــــــــــــــــــــــــــــــــــــــــــــــ
ڪون اڪعد اڪبالك واحجـي وياك
وافرش هدمي بلڪـي يصيـر جواك
سويني صرت يومية انخاك
مثل ذيج الـعجوز التڪعد حذاك
الجـانت تشرب الماي وتريدك تشربه
اليشرب وانت عطشان الله يعين ڪلبه
الجانت تلزم الصـورة وتهدهة
ولحد الان مافاهم قصدهـا
وتهمس بالدمع يالزهرة مااجوره
••••••••••••••••••••••••••••••••••••••
التحسب صورتك بالبيت قرآن
وڪله وداعتك ماعدها حلفان
فـطر يم صورتك جان الها نيشان
دوم ترشه تحسبه عطشان
مثل اشفافك تكول عطشان وتفطر
الشايل صورت حـسيـטּ من حڪه يتغير
ومن تڪعد تضـن تعاينلها
تڪلك ها يبعد امي واهلها
لاتنشـد عليها الحالة ميسـورة
•••••••••••••••••••••••••••••••
المجانت اذا تعتاز تحتار
وراها تخلي ڪلشي وليك تندار
تدري لهسة يحرك ڪلبك الصار
شافت نار رڪضت طفت النار
ماتڪدر ترا تڪوم بـَس رڪضت عليها
بالطف ڪالت اصغار طفتها بديها
ڪوه تڪوم جانت بـَس تجيلك
وصباح الخـير يل مااصح مثيلك
تڪلك ڪل صبح لمن يطر نوره
•••••••••••••••••••••••••••••••••
مـحد حاجي وياها على الخيام
وجانت ماتحط افراش وتنام
تحجي وي الأطار تڪله شي ضام
صدر حـسيـטּ وينه ويـטּ الاسهام
زحمه اڪبالي والعيـטּ ماتڪدر تشوفه
خافن جرحه مفتوح ماواحد يروفه
هنة اهواي بي بس مااشفتهن
ولا مديت اديه وطلعتهن
حتى ضلوعـه جانت ڪلها مڪسورة
••••••••••••••••••••••••••
يـل ڪلشي برحمتك صار مـقروטּ
ارزقنـي مثلها ادموع وعيـوטּ
تلمس شيبتك وتڪلك شلوטּ
وجه الله وعليه وادم يصعدوטּ
هيج اتمنى اهم بيك واتجرع عذابك
مثل ماهمه تبجيك ماطلبت ثوابك
الڪالت ياثواب انه السمعته
من حدر الحوافر صاح لـ اخته
لاتطلع يتامه حـسيـטּ مذعورة
•••••••••••••••••••••••••••••
ويـטּ انه وهذيج ام الجـرح ويـטּ
التحـط حدر الدمع من تنعي جفيـטּ
ڪلها تصب دمع مااعرف منيـטּ
مـטּ اتڪول بعد اعيوني يحسيـטּ
بـعد اعـيوني وطيح وتسمع تڪلها
اسم الله وتفرح اهواي ياخادم مثلها
هنيالة التملك هيج فطـره
بصوتك لو عثر يمك تحضره
محسـوده الـبريه لهيـج منظورة
••••••••••••••••••••••••••••••
"بسـم الله الرحمـטּ الرحيم "
القصيـده: وجه المجرات
اداء: مرتضى حرب
ڪلمات: عبد الخالق المحنه
ـــــــــــــــــــــــــــــــــــــــــــ
وجهَ المجرات انصد؏
دم نازل ودم ارتفع
حتى الهوا اختل واڪطع
بَـس لا ڪمر زينب وڪ؏
ـــــــــــــــــــــــــــــــــــــــــــــــــــــ
ڪُلشي وڪف نبضه وعين الضوه مغمضه
ليش السمه حمره
واهتزت الوسعه والدمعه مو دمعه
جمره بهوه موجره
ليش الخيم مالت وبلا هوا انشالت
وكلمن لزم ضهره
مغتاض ابو الغيره لو واڪع بحيره والله حرت بامره
مدري السمه للطف اجت
مدري الارض فوك اعتلت
مدري الشريعه تبخرت
ضلمه وڪمرنه مارجع
°°°°°°°°°°°°°°°°°°°°°°°°°°°°
ليش الزلم سڪته وڪفالي ماشفته
وابن امي طك ايده
ساعه ورجع وحده بس دمعته بخده
ومابين اعضيده
عندك خبر قاتل واكع ابو فاضل
والسڪته تأڪيده
عاد اختلف ڪلشي بيدي وكع رمشي
والمشرعه بعيده
يمته يجي اليل الخطر واتحفه واگصد للنهر
ويتعاتبن دمعه ونحر
دمع العتب صوته طلع
°°°°°°°°°°°°°°°°°°°°°°°°°°°°°°°
ياسيد الخوه يل ڪلك مروه
سيدها وبزودك
سبعين الف ضدك بس والله موكدك
ماتسوه مجهودك
من تنفخ بجمره من يوڪف بصدره
واعدائك اشهودك
قائدهم الڪاسر من ظلك إيحاذر
مايوصل احدودك
ها يل رحت روحت حلم عنك يناشدني النجم
طبعك ضوه ماتنلزم
يل رايح وعذرك رجع
°°°°°°°°°°°°°°°°°°°°°°°°°°°°°°°°°
ياابو الوفه وينك لوما شفت عينك
جا شلي بعيوني
ماشافوا خيالي شافوني من تالي
وبالوسطه مشوني
ڪون العتب جاسك افزع بلا راسك
ياخوية هضموني
لاح النضر خدري معقوله ماتدري
مو طاحت امتوني
غافي يطبع الماغفه رايح وابن جوشن لفه
ينشدني شامت وشتفه
وينه ڪفيلج مافزع
°°°°°°°°°°°°°°°°°°°°°°°°°°°°°°°°°°°
يل بالسما جناحك شلون السهم لاحك
ونذبحت احلامي
حيرني ڪطع الجف والعلڪمي والطف
اصغر من ابهامك
معقولة هذا انت مجتوفه ادين اخته
وماينشد احزامك
بداعت العشره جاوب ولو نضره
حته اشلع اسهامك
محتاره اشلع ياسهم وڪبالي جفك والعلم
يالوڪعتك وڪعت خيم
حتى الحجر ون وانفجع
°°°°°°°°°°°°°°°°°°°°°°°°°°°°°°°
انضر سهم عينك وبحضني جفينك
والحسره عل حسره
سهمك اذا اطلعه فص عينك يشلعه
وتتألم الزهرة
يل راسك مهشم لو بسته تتألم
شمسويه هل الطبره
انشدني عل والي راسه برمح عالي
وداسوا على صدره
راح اخذ جفوفك وارد مهضومه والشامت يصد
والطم على عيوني بقصد
بلڪت اموت من الوجع
°°°°°°°°°°°°°°°°°°°°°°°°°°°°°°°
☜ بـسمـه تعـالى ☞
الـقصـيدة : شور أويلاه يم الخدر
اداء : مرتضى حرب
كلـمات : مرتضى حرب
♧♧♧♧♧♧♧♧♧♧♧♧
{ أويلاه يم الخدر}
زينب وين حداي الضعينه
وين أحسين والخويه الحنينه
حكج كون حدبتي بمشيتج
حيلج طاح وي طيحة يمينه
♧♧♧♧♧♧♧♧♧♧♧♧
هايه أم عون مدري أم السبايه
بيج أشلون فوكج ماكو رايه
غربه وخوف وعيون الشماته
غيرة لون شكلج والعبايه
♧♧♧♧♧♧♧♧♧♧♧♧
ما تنشال بالراس المصيبه
العندها حسين تتسمه الغريبه
ومن عباس بعيونه وطنها
ولية وين المو طاهر حليبه
♧♧♧♧♧♧♧♧♧♧♧♧
جنها تصيح يسمعها خيالي
وين تروح الماعندها والي
زينب هاي وين أهل الحميه
أتحشم راح كل عزي ودلالي
♧♧♧♧♧♧♧♧♧♧♧♧
هاي الجان يحلف بيها أبوها
وهاي حسين بكبره أحسين أخوها
روحك هاي ياحامي الشريعه
ويا عباس اتلاحكها ولوها
♧♧♧♧♧♧♧♧♧♧♧♧
كوه تگوم يا وادم جبيره
وتبجي دموم و بكل خطوه حيره
و تبجي شلون جدام الشماته
وهيه أم عون يا بدر العشيره
♧♧♧♧♧♧♧♧♧♧♧♧
☜ بـسمـه تعـالى ☞
الـقصـيدة : عطش ملگة
اداء : مرتضى حرب
♧♧♧♧♧♧♧♧♧♧♧♧
صـوتي وصوت ابنيتـك راح
من اطلعتــو ابگـد ماصـاح
ونـطيـح اشـما واحد طـاح
يحسيـــن .. يحسيـــن .. يحسيـــن .. يحسيـــن
امشي وياكم لوما حيلي الضيعنه اسنيني
خاف امشي وزينب بالسفـرة اتظل اتباريني
من اخجـل زينب مااگدر هيه اتمشيني
انه الخلص عمري اخدمها وتغفه ابـنص عيني
ديوان العز ظل مهجـور . فاگد ريحتكم يـ ابخور . الردتكم مطلوبه انذور
يحسيـــن .. يحسيـــن .. يحسيـــن .. يحسيـــن
بنيتك من ايصير المغرب تبچي وتنشدني
شو طول يايمـه اتگلي الچان امدللني
معذبني فراگك يايمه وهيه تعذبني
دمعتها من اطيح اگبالي وتريدك مني
الدار بلياكم مو دار . وحشه وظلت ماتنزار . يانسمه تجيبنه اخبار
يحسيـــن .. يحسيـــن .. يحسيـــن .. يحسيـــن
اندور بالنسمات بـهجرك عن عطر انفاسك
ننشـدهن ونظـل نتوسل ياريـح الجاسك
هلبت منك جايب چلمة لو من عباسك
من ايطير الطير اينشز محتاج احساسك
ظـل ايحس ماعنده جناح . عايف غصنـه وما مرتاح . من كل گلبه ابفگـدك صاح
يحسيـــن .. يحسيـــن .. يحسيـــن ..يحسيـــن
انـدور حل انظـل من نگعـد يمه ابوحدنه
نتعب مانلگه الحـل وتظل تهمل دمعتنه
وحده اتظل تگل الوحده يايمه اتعبنه
باليييان منهد افراگك صارت گعدتنه
نتنطر يمته تردون . وشصاير بينه تشوفون . لو شفتونه اشگد تبچون
يحسيـــن .. يحسيـــن .. يحسيـــن .. يحسيـــن
ياگلبي الراحو من عندك هسه ابيـا ديره
لو گتله بالگوه ايظل ايدگ يتحير حيره
كاسر خاطرهن بفـراگك چم طير وطيره
طيفك ظل يمه ايخوفني حسين بتفسيره
تخوفني طيوفك يحسين . بيهن صوتك ماله معين . وبيهن كلكم عطشانين
يحسيـــن .. يحسيـــن .. يحسيـــن .. يحسيـــن
✮✮✮✮✮✮✮✮✮✮✮✮
☜ بـسمـه تعـالى ☞
الـقصـيدة : وحشة دياركم
اداء : مرتضى حرب
كلـمات : حسين محسن العبودي
✮✮✮✮✮✮✮✮✮✮✮✮
وحشه دياركم يالمالكم صوت
بديرة بني هاشم ضلمه البيوت
بلياكم غريبة الدنيا كلها
وشنسولف اذا ماشين اهلها
وهيه السالفه الما تنحچي تموت
ساعة ضعنكم حمل وگام يسير
موحشه وضلمه دياركم حگها تصير
ويستاحش من يفوت فوگاها الطير
ومن چنتو چانت عايشه ينص الخير
المابيه روح لازم هذا ميموت
شو من رحتو ماتت حتى البيوت
وشنسولف بعد يا بيت يرتاح
اذا يعرف بعد ما يرجع الراح
وهيه السالفه الما تنحچي تموت
✮✮✮✮✮✮✮✮✮✮✮✮
ديرتكم المزدحمه چانت بالناس
وحشتها صارت بالمگابر تنقاس
والدار اذا مابيه هله ما ينداس
وشتسوه ديره وشال منها عباس
وحشه الجار من يشيل اذا زين
چا شنگول من يشيل الحسين
وحشتها المدينه تقبض الروح
شنسولف عليها اهواي الجروح
وهيه السالفه الما تنحچي تموت
✮✮✮✮✮✮✮✮✮✮✮✮
حي بني هاشم صار گاع وحيطان
ومابيه بعد لمو عملم وخوان
يا وسفه مسدودات ذيچ البيبان
ومن اكبر السادات يخله الديوان
شال أهله ومشه الديوانه مچهوب
والموگد طفه وانسدت البوب
وشنسولف يحسرة باب كل دار
تظل عطشانه دگ لچفوف خطار
وهيه السالفه الما تنحچي تموت
✮✮✮✮✮✮✮✮✮✮✮✮
مجبور يا ضعن الهواشم مجبور
عفت المدينه لمكه رايح معذور
هانت الدنيا وبالرخص گام ادور
من صار يم بيت الله دمكم مهدور
وجه الله بجوار الكعبه محتار
بخطر لو چان متعلق باالاستار
وشنسولف على الصارت حياته
بغتالونه لو چان بصلاته
وهيه السالفه الما تنحچي تموت
✮✮✮✮✮✮✮✮✮✮✮✮
الله خلق الهم شكو بهذا الكون
تاليها ما الهم وطن بي يبقون
ضاگت الدنيا وبعد المن يرحون
وبالهيمه صارلهم شهر من يمشون
اليوصل من سفر چا غير يرتاح
مو تتلگه ضعنه سيوف ورماح
شنسولف اذا بالطف يخلصون
الطفل والشاب والشيبه يموتون
وهيه السالفه الما تنحچي تموت
✮✮✮✮✮✮✮✮✮✮✮✮
☜ بـسمـه تعـالى ☞
الـقصـيدة : ما نشبه سكينه
اداء : مرتضى حرب
كلـمات : عبد الخالق الحريشاوي
★★★★★★★★★★★★
احنه ما نشبه سكينه سكينه
على الجمر لا ما مشينه
مو سبايا مدللات .. ودعتنه مخدرات
وتبچي يالصادق علينا علينا
★★★★★★★★★★★★
شابگتنه .. لحد روحك گضت ضوى عيونك طفت بس ببتسامه
فارگتنه .. حده ضعن الهجر اخذ بسمة عمر من اليتامة
چفونك الموت بحضن دافي طبگها
وياهي من عدنا شفت حافر سحگها
الدمعة بوية الكربلا الله خلقها
العينه تبچي للسبي اي والله حگها
ياهي من عدنا سبوها سبوها
ورافگت ذباح ابوها ابوها
يم حنانك غافيات ودعتنه مخدرات
★★★★★★★★★★★★
بيت دافي .. نحس بدمعتك نشم بعمامتك حد ما غفينه
جمر طافي .. بجدم سكنه وتون ولگت منحر يحن بويه سكينه
احنه نسأل يا حبيب مدللاتك
بويه يالصادق لحد ساعة مماتك
گبال عينك هم سبوا وحده بناتك
مرة سامعنه العطش نشكي بحياتك
ياهي من عدنا بكبرها بكبرها
حايره يا بويه بأمرها بأمرها
ويم نحر والد نبات ودعتنه مخدرات
★★★★★★★★★★★★
يم شمعتك .. تشم ريحة جمر واميرة بلا خدر متوسطة عينك
يل دمعتك .. بكبر درب السبي وتحاچي بنت نبي بويه بحنينك
الدمعة بس لأم الخدر تنعد عباده
الدمعة للسمعت ونين نحور ساده
بلا عمايم والرمل الهم وساده
بطيحة اخوتها الشمر گام وتماده
زينب الگالت حسافه حسافه
راحوا البيهم كلافه كلافه
وصرنه يمك نادبات ودعتنه مخدرات
★★★★★★★★★★★★
تشوف بينه .. المثل وردة صبح وصف ينگط جرح اسمة رقيه
لو عبينه بجمر خيمه انچون وتراچينه انلون مثل السبيه
الدمعة فرض الله الرقيه ازغر شهيده
الشبعت مناشغ والدها تريده
الفوگ صدره تنذبح رگبه وليده
السلبوا حتى العمامة ومحبس ايده
ساجد السيف على نحره على نحره
قبلة الله حسين ثغرة حسين ثغرة
بنحرة راكع للصلاة ودعتنه مخدرات
★★★★★★★★★★★★
ما نسيته .. البقى منحور امس الچوت نحره الشمس بعيونك انته
تخيليته .. عباتة من فرش لبو صارت نعش ساعة دفنتة
الصاح يا خيل على صدر حسين كافي
زين العباد الرجع للدفنه حافي
يسمع المنحر يگله بصوت دافي
خل رضيع على الصدر بهداي غافي
لم جسم عودة بعباته بعباته
اهتزت الگاع بصلاته بصلاته
ورتلتله العاديات ودعتنه مخدرات
★★★★★★★★★★★★
☜ بـسمـه تعـالى ☞
الـقصـيدة : بس الليلة يمنه
اداء : مرتضى حرب
كلـمات : مرتضى حرب
♧♧♧♧♧♧♧♧♧♧♧♧
من وجهك عرفنه بس الليله يمنه
عينك يا حنيني خليها على وجهي
حتى اشبع محنه من وجهك
لو طاح الكفلهن يحترگن خيمهن
♧♧♧♧♧♧♧♧♧♧♧♧
تعال اگعد بنصه حسين هاي اخر ليالينه
خل نحفضك ونقراك لو وحدنه ضلينه
يمنه انته ونباوع بيك ونگلك شتاگينه
من هسه عطش فرگاك خويه بين علينه
نشمك نسمة نسمة … نحفظك چلمة چلمة
احچي نحب سماعك … نسينه وداعك
يالذت خيمنه … يالذت خيمنه
♧♧♧♧♧♧♧♧♧♧♧♧
سولف حتى ما نعطش كلامك ماي يا نعمه
من تحچي الحچي ينضاگ شنهي تخلي على الچلمه
ومو بس ينسمع ينشاف كلامك كل حرف زلمه
كلامك چي صدگ متروس اليسمعه يلزمه ويشمه
سولف واحنه نسمع … يالمنك منشبع
مدري شگد صفاتك … يا هيبت خواتك
يالعينك وطن … يالعينك وطن
♧♧♧♧♧♧♧♧♧♧♧♧
حسين احچيلي عن باچر قريت بعينك المحد
باچر كلنه مو يمچ تگلي عيونك العل خد
وطولك فوگ ابو فاضل يگلي باچر اتمدد
اذا حتى ابو فاضل راح شحط بمچانك وينسد
يعني صرنه غربه … باچر والله صعبة
يعني ماكو خيمه … يا خوية هضيمه
كلشي ولا خدرنه … كلشي ولا خدرنه
♧♧♧♧♧♧♧♧♧♧♧♧
حدر يا فيّ اذا رحتوا يلوذن بعد خدركم
اهل غيره انتم النسوان لو صاحن يهضمنكم
باچر آه يا باچر اذا طاحن عمايمكم
بليه روس وتگومون الفواطم من يفزعنكم
لو طاح الكفلهن … يحترگن خيمهن
يحترگن عليهن … ياخوية عبيهن
باچر يا هضمنه … باچر يا هضمنه
♧♧♧♧♧♧♧♧♧♧♧♧
هدمتني هدم يحسين احا ياليله العاشر
بعباتي العلي تكبر راح الم نسوانكم باچر
وانومهن رغد يحسين اگلهن كلشي ما صاير
عطشانات اذا فزن اگلهن كافلي حاظر
ما اخلهن يحسن … بليه والي ضلن
لو سمعن هوا وانتي … ولو شافن دمعتي
هنا معناها ضعنه … هنا معناها ضعنه
♧♧♧♧♧♧♧♧♧♧♧♧
كلها بچفه وبچفه اذا مرينه من يمك
انه اعرف غيرتك يحسين هاي السالفه تهضمك
يبن امي عمت عيني من اشوفك سابح بدمك
ونتوادع وداع عيون من نحضنك نلچمك
من دوس الحوافر … كلك لچمه صاير
تعمدوا من خذونه … يمك وگفونه
من يمك عبرنه … من يمك عبرنه
♧♧♧♧♧♧♧♧♧♧♧♧
☜ بـسمـه تعـالى ☞
الـقصـيدة : يا كربـلا
اداء : مرتضى حرب
كلـمات :
❀❀❀❀❀❀❀❀❀❀❀
شسويتي بحسين وهلا … يا كربلا
ما بقت عين مدلله … يا كربلا
يا كربلا العاشر جره … يا كربلا
بي صاحب الله ينذبح … يا كربلا
حرموا الزاد من الملح … يا كربلا
باگوا الگاع من الفلح … يا كربلا
ومن صوت المناشغ على … يا كربلا
❀❀❀❀❀❀❀❀❀❀❀
يا كربلا احترگت خيم … يا كربلا
من طاح شيال العلم … يا كربلا
حتى المگمط ما سلم … يا كربلا
بگاعج كلام الله نشتم … يا كربلا
سطروا خدود البسملة … يا كربلا
❀❀❀❀❀❀❀❀❀❀❀
يا كربلا ترابج غرگ … يا كربلا
تم والعطر صدره نسحگ … يا كربلا
ذيال العبي السود احترگ … يا كربلا
وچفن الفواطم ما طبگ … يا كربلا
دل الأطواس مدلله … يا كربلا
❀❀❀❀❀❀❀❀❀❀❀
بيج الكفل زينب هوى … يا كربلا
وضل طايح خلافه اللوه … يا كربلا
وگطعوا چفين الضوى … يا كربلا
ضل ريجه يابس ما روى … يا كربلا
ضلت عيون حمول مهدله … يا كربلا
❀❀❀❀❀❀❀❀❀❀❀
خدود الورد شبعن سطر … يا كربلا
من عگب عباس الشمر … يا كربلا
حداي ضعن العايله … يا كربلا
❀❀❀❀❀❀❀❀❀❀❀
زينب بگاعج حدبت … يا كربلا
ومن الهظم گوه مشت … يا كربلا
حيرة بيتامة تحيرت … يا كربلا
ومدلله حيدر بچت … يا كربلا
لن شافت حسين نوله … يا كربلا
❀❀❀❀❀❀❀❀❀❀❀
☜ بـسمـه تعـالى ☞
الـقصـيدة : لن تمحوا ذكرنا
اداء : مرتضى حرب
كلـمات : علي الابراهيمي
★★★★★★★★★★★★
والله والله ..والله لن تمحوا ذكرنا
والله والله ..والله لن تمحوا ذكرنا
★★★★★★★★★★★★
عقيلتنة بأسرها شالت الرايه
اجت وي الضعن لحسين مشايه
تنوح وتبچي لكن عدها الف غايه
علي مربيها بيده وبيها الكفايه
والله والله .. احنه عالي يضل ذكرنا
★★★★★★★★★★★★
اميرة وبنت اميرة واخت ابو فاضل
للعيال بسبيها اصبحت كافل
يزيد تحير بهل منطق الكامل
تگله اسمع خطبتي ايها الجاهل
والله والله .. حسبالك نذل بيسرنه
★★★★★★★★★★★★
صحيح على المجالس تدخل چبيره
وصحيح الحره شافت نايبه وحيره
لچن وگفت صبوره چنها ابو الغيره
ابد ما چنها حرمه وراحت يسيره
والله والله .. ما نوفي هل كعبه بشعرنه
★★★★★★★★★★★★
رغم كبر الجرح ما دنگت هامه
وابو اليمه ذخرها لهذه ايامه
حضن صارت چبير ولمت ايتامه
والمسلبها گامت تمشي جدامه
والله والله .. صبر الشمع صاحت صبرنا
★★★★★★★★★★★★
رجع بيها الوكت للشاطي واحزانه
تنادي يالكلفني خويه هاي انه
جبت راسي يغالي وروحه ذبلانه
وجبت راس الغريب اليابس لسانه
والله والله .. ردينه للشاطي بنصرنه
★★★★★★★★★★★★
☆ بـسم رب الحجـة ☆
الـقصـيدة : تفضلي
اداء : مرتضى حرب
كلـمات : علي عباس الربيعاوي
❀❀❀❀❀❀❀❀❀❀❀
تفضلي اهلاً وسهلاً فاطمه بمجسلج
الگاع نفرشها يفاطم ماي مخبوط بدمه
تفضلي يم المجالس جيتج من السمه
گرب هالمنبر مكانج مو اخيره معلمه
انتي اولى بكلشي اولى …. لأن انتي فاطمة
منبرج هذا يزهره منبرج
اهلاً وسهلاً فاطمه بمجسلج
❀❀❀❀❀❀❀❀❀❀❀
وفقينه بنظره منج خل گلبنه يحترگ
فتري على المجلس دخيلج حتى نسودن عشگ
خلي على الطام ايدج خاطر بحرگه يدگ
بلكي نتوفق بدمعه تطلع بحرگه وصدگ
بالگلب … والگاع تطبع خطوتج
اهلاً وسهلاً فاطمه بمجسلج
❀❀❀❀❀❀❀❀❀❀❀
نشري بالمجلس عباتج بلكي يكتلنه القهر
وانتي اختاري القصيدة على الضلع لو على النحر
راح نقرالج ولطمي علي ضل بلا ظهر
ياحسين نصيح وانتي صيحي يا وليدي الگمر
تحسري … بلكت نموت بحسرتج
اهلاً وسهلاً فاطمه بمجسلج
❀❀❀❀❀❀❀❀❀❀❀
فدوه علني عن حظورج ليش سكته طبتج
كافي محرومين منها ندري چنها زيارتج
بيتج المجلس تعالي والمدامع گبتج
نطوف ونلبي القصيده مستهلها دمعتج
بالدمع … نعرف حقيقة طلتج
اهلاً وسهلاً فاطمه بمجسلج
❀❀❀❀❀❀❀❀❀❀❀
☜ بـسمـه تعـالى ☞
الـنعـي : الحرمة التنولي خوتها يهدون
اداء : مرتضى حرب
كلـمات : مرتضى حرب
★★★★★★★★★★★★
گبل چانوا هلي الجرحي .. يهدون
جفوني وگاموا بحيلي .. يهدون
الحرمه التنولي اخوتها .. يهدون
من اصيحن ياهو اليهد ليه ..
★★★★★★★★★★★★
خويه اجيتك يبعد الما مغمضات
محمله بروس الما مدنگـات
خويه من جينه وياكم عزيزات
وردينه يبن امي غريبات
وآ زينباه ....
★★★★★★★★★★★★
يمشن
نوب الحرم ياعباس .. يمشن
سبايه وللدموع ابهضم .. يمشن
انه دمعي نزل مو يم زين .. يم شين يمشن
وانه خدودي مشافن دمع ليه
منواي المن بعد يحسين منواي
انه ظني انگطع وانگطع رجواي
★★★★★★★★★★★★
ظلمه الدرب يا ابو علي وبلا ضوى اندليتك
عطر اللبن مال ام حسن دلاني بيك وجيتك
بين الجثث مادورت ضاگ الهوى وشميتك
اليتدور الماهو عرف ابريتي أنته وآنه ابريتك
★★★★★★★★★★★★
بتنه
عگب اهلي الليالي ابضيم .. بتنه
ونيران الاعادي احرگت .. بتنه
يبو الحسنين چا ماگلت .. بتنه
غريبه ولو طحت مالي تجيه
★★★★★★★★★★★★
يمحمد بطيت شلون وعلى حدنه سدت عيله
چبير الطايفه مذبوح وماعدنه زلم تتعنه وتشيله
گوم الخاطري لو حتى مالك حيل وأعوج ظهر الكحيله
★★★★★★★★★★★★
يمحمد بني هاشم مامش حس لأصايلهم
مايدرون خاف بخبر عمتهم
تره ماممشي الدرب واعيوني معصوبات
ذب اعمامتك وانوب گللهم
★★★★★★★★★★★★
☜ بـسمـه تعـالى ☞
الـقصـيدة : گام والساعه بزلمهم گامت
اداء : مرتضى حرب
كلـمات :
♧♧♧♧♧♧♧♧♧♧♧♧
گام والساعه بزلمهم گامت
الوسعه من مسلم چتفهم ضاگت
ارتگز مسلم والسيوف تلاگت
الكوفة بس چنف دخيلك صاحت
عمي حيدر گلهم تعرفونه
ابن اخو انه ودرست فنونه
الكوفة اله جرت ذان شايخ على الميدان
ياابو طاهر دخيلك
ياابو طاهر دخيلك
♧♧♧♧♧♧♧♧♧♧♧♧
شيخ سيفة ويحجي كله بكيفة
بيده ملچ الموت اضن مو سيفة
هاشمي وين النچر تكليفة
الما يموته السيف مات بطيفة
يمر علية بالطيف ويشل حالة
يصير مسلم بالحلم چتالة
موته البي حلمان شايخ على الميدان
ياابو طاهر دخيلك
ياابو طاهر دخيلك
♧♧♧♧♧♧♧♧♧♧♧♧
الطوعة احس بنتهى وكلهم ذولة
الخاطرج والخاطر الهلولة
راح اطب واهديها الج هلصولة
وعد تنرد خاف ما مقبولة
خاف ما تنقبل بس گليلي
الخاطرج تنرد واذب كل حيلي
الصولة ردها ورهيال شايخ على الميدان
ياابو طاهر دخيلك
ياابو طاهر دخيلك
♧♧♧♧♧♧♧♧♧♧♧♧
مسلم تصور حسين يشوفة
گله سويت بزلمهم خوفة
حسين تبشر الراحة چف الكوفة
واله ارد البيها الك مچتوفة
ربط الكوفة واهلها وساگها
لأبن عمه وحيل ضب شباگها
ساگها ويضحك چان شايخ على الميدان
ياابو طاهر دخيلك
ياابو طاهر دخيلك
♧♧♧♧♧♧♧♧♧♧♧♧
حلف وصاح راس عمي الما يطخ
مثل طبخ الحسن لطبخكم طبخ
غيم وسجين مسلم ضل يزخ
صوابه يگطع روس ما يفشخ فشخ
روس يفشخ طير ابابيلها
ومسلم من الچتف روس يشيلها
الفيل ردها بكوفة شايخ على الميدان
ياابو طاهر دخيلك
ياابو طاهر دخيلك
♧♧♧♧♧♧♧♧♧♧♧♧
☜ بـسمـه تعـالى ☞
الـقصـيدة : ما تذل
اداء : مرتضى حرب
كلـمات : مرتضى حرب
✮✮✮✮✮✮✮✮✮✮✮✮
ما تذل بنت حيدره
هيه معنى الشموخ
لهل زمن والأخرة
هم اهلها الشيوخ
عمة الهواشم هيه .. سلطانه مو مسبيه
✮✮✮✮✮✮✮✮✮✮✮✮
عباس ويمشي على الگاع وتخيل مشيتها
الخيال لبي يتباهون يرجف من هيبتها
اخت العباس على الگاع ما تهوه حچايتها
غير بگدها الدنيا تطيح لو طاحت عصبتها
مخدرة تنثر شرف على الأرض بالمسير
من حچت كلشي وگف حتى طير اليطير
يا كلمة ما محچيه .. عمة الهواشم هيه
✮✮✮✮✮✮✮✮✮✮✮✮
زينب بيرغ للعفيات لو شنگول عليها
زينب متعديه التفكير يا بال اليكفيها
زينب عفه وراي وشور الشام احتارت بيها
بموقف موش بگدها ام عون زحمة من نخليها
هاي اخت اجمل هلا الگالت بهل زمان
هيه غير اخت الحسن الما يلمه مچان
لهاذ الأسم قدسية .. عمة الهواشم هيه
✮✮✮✮✮✮✮✮✮✮✮✮
زينب رغم البيها هواي من ضيم الشافته
بس هيبتها تخوف السيف والأيد الشالتها
البحسابه يذل اخت حسين متوهم ذلته
الراس البي عايش عباس عالي وما دنگته
بكربلا صارت علي من يلم الزغار
وبالقصر يوم الحچت كل حرف ذو الفقار
اول مرة ثورية .. عمة الهواشم هيه
✮✮✮✮✮✮✮✮✮✮✮✮
خيمة وتمشي بهيئة نور هاي گماط الزهره
ما گالت يحسين شلون لو بينت من كسره
زينب وگفت وكت الضيج بدرب الباطل عثره
الترجف من طاريه الشام ذلته بنص قصره
ضيگت عليه الهوى حيرته شيگول
بقصرة وگفت شامخة چنها فحل الفحول
عليها القصيدة شوية .. عمة الهواشم هيه
✮✮✮✮✮✮✮✮✮✮✮✮
يم زينب كلشي يضيع الهيبة البيها تضيعه
راسه الزلمه گبال ام عون ما يتجره يرفعه
من راحت للشام براي راس الشر تگطعه
ما ونت زينب على اللال الشامت ونها يسمعه
كابرت رغم الجرح الما تشبهة الجروح
گالت اسم اهلي يضل وكلشي باچر يروح
تگول الثگيلة عليه .. عمة الهواشم هيه
✮✮✮✮✮✮✮✮✮✮✮✮
زينب هيبه كل معصوم زينب ثايه ورايه
بهذا التكليف اخت حسين من زمان موصاية
براس التاريخ تحط تاج الزينب كل حچايه
صعبة وغير اخت العباس محد يگدر هايه
كل نبي يمها صفن على الصبر والثبات
صبرة مثل اخت الگمر تمنى بس امنيات
العز والأبه وطارية .. عمة الهواشم هيه
✮✮✮✮✮✮✮✮✮✮✮✮
☜ بـسمـه تعـالى ☞
الـقصـيدة : مات الخير
اداء : مرتضى حرب
كلـمات : مرتضى حرب
✮✮✮✮✮✮✮✮✮✮✮✮
من طحتي من ذاك الألم
كل الوجود اصبح عدم
مات الخير .. يا زهراء والدنيا بلا راي
وجنح الطير .. ما ينشال
بگلبه هموم هواي
✮✮✮✮✮✮✮✮✮✮✮✮
من اول سمه لأخر سمه صاحن سوه يا فاطمة
وگلب الأرض حس بضمه وحشت عيونچ يم حسن
بينت على وجه الزمن عليچ الطيور يدورن
ويناشدن حامي الحمه
✮✮✮✮✮✮✮✮✮✮✮✮
وين النجيها من الصبح
ام هلا وام وجه السمح
مو بس ضلعها كل جنح
مكسور فاگد موسمه
كل الحياة موسدة
بضيگ النفس بيها بده
متخوصر ويبچي الندى
ويلعن الزمره الضالمه
✮✮✮✮✮✮✮✮✮✮✮✮
يالچنتي ام لكلشي حي
بيدچ سوالف كلها في
وجه الكون دم وشلون
حوبت ضلعچ هاي
مات الخير يا زهراء
✮✮✮✮✮✮✮✮✮✮✮✮
اضغط هنا لمتابعتنا على التلكرام
شمس الله يا بنت البخت
لطمت عليچ وسومرت
ونزفت ضوى لمن گضت
صار النهار بلا عمر
يمر ما يمر نفس الأمر
رفضت الدنيا تستمر
عينچ بيوم الغمضت
✮✮✮✮✮✮✮✮✮✮✮✮
فلاك سماء تصارخن
ويلاه يا ام الحسن
مرضوض ضلعچ من درن
وگفن لأن زينب بچت
فز العرش لمصيبتچ
ومالت الدنيا بطيحتج
چانت المغرب موتتچ
هل خنگه المغرب بقت
✮✮✮✮✮✮✮✮✮✮✮✮
نجمة على نجمة تنتچي
بيهن حچي بگد الحچي
كلشي يصيح ليش تطيح
طاريها احلى فياي
مات الخير يا زهراء
✮✮✮✮✮✮✮✮✮✮✮✮
حزنچ غزه الوان الشجر
وزاعل الماي وي النهر
واهس البستان انكسر
تأثير يومچ على الأرض
بين يبنت اول فرض
النسمة بالنسمة تكض
وتصيح راح اغلى بشر
✮✮✮✮✮✮✮✮✮✮✮✮
كل عود بالدنيا ذبل
يگوم على حيله ما قبل
شايل حزن خير العمل
على مصيبتچ طوله عثر
الكلشي يبنت المصطفى
حزنچ ترى كسرة گفه
وي علي جفنه ما غفى
كل ملك من شاع الخبر
✮✮✮✮✮✮✮✮✮✮✮✮
يا فاطمة يصيح الهوى
والضوى يدور على الضوى
ضل مكسور ظهر النور ويحسب للجاي
مات الخير يا زهراء
✮✮✮✮✮✮✮✮✮✮✮✮
فاطم يبنت اطهر نسب
يستحي منج كل خشب
ويگول انه چنت السبب
الما يحس حس بالوجع
يحس بالذنب لن اندفع
وطيح المحسن ونفجع
گلبچ ويايمه ندب
✮✮✮✮✮✮✮✮✮✮✮✮
الباب قصة قصته
مضلوم ذنبه دفعته
چي علي طاحت دمعته
الباب چتال انحسب
من الحزن محد سلم
على الكل فرض رايه ندم
كل الزمن حيله انهدم
✮✮✮✮✮✮✮✮✮✮✮✮
والهوى من الريه انسلب
الجرحه الزمن حل ما لگه
ضلت قضيته معلگه
منهد النار والبسمار ضل عطشان الماي
مات الخير يا زهراء
✮✮✮✮✮✮✮✮✮✮✮✮
يبچي البچت منه الزلم
ذاك الفحل ضل بس هدم
يسولف جروحه للنجم
ويفز على جروحه الصبح
واگف لچن واگف جرح
حيله بقى وشوفه يشح
والباب يهدم بي هدم
✮✮✮✮✮✮✮✮✮✮✮✮
ينتچي عليه طه انتچه
على جروحه وبحيله بچه
سكته فراگچ ما حچه
يا فاطمة الراية مهم
بي النفس ضل ينسمع
من اليرد اكبر جمع
شمسوي بي كسر الضلع
شم الهوى ضل ينلچم
✮✮✮✮✮✮✮✮✮✮✮✮
يدورچ بروحه شگد علي
ويلگاچ ها يا كل هلي
شگد تبچين من يگلج
ها گومي وياي
مات الخير يا زهراء
✮✮✮✮✮✮✮✮✮✮✮✮
☜ بـسمـه تعـالى ☞
الـقصـيدة : يم الگبر
اداء : مرتضى حرب
كلـمات : عبد الخالق الحريشاوي
★★★★★★★★★★★★
يم الگبر .. بخدك دمعتك سايله
يم الگبر .. رسومك يحيدر ذابله
يم الگبر .. زهرة زمانك راحله
يحيدر .. يحيدر
★★★★★★★★★★★★
اجرك الله بفاطمة ايا الصميده
شحال اليشوف رويحته ميته على ايده
والتارسه عيونك حلم صارت بعيده
الفاگد خليله يا علي النوح شيفيده
يا حسرتك .. راحت يحيدر فاطمة
يا حسرتك .. ضلعين منها مهشمه
يا حسرتك .. نعش الحبيبه شايله
يحيدر .. يحيدر
★★★★★★★★★★★★
تحچي بترافة معاتبك بس انته ملچوم
ومن يم گبرها منحني وبدموعك تگوم
والبير صار صويحبك تحچيله الهموم
آهاتك يردهن صدى شما گتله ما الوم
من شوكت .. من توگف تكض الظهر
من شوكت .. صار على وجناتك اثر
من شوكت .. امتونك يحيدر مايله
يحيدر .. يحيدر
★★★★★★★★★★★★
غربة گلتها يا علي فراگ اغلى الأحباب
شابگ گبرها شما ترد برسومك تراب
ويوجع صفنتك من تجي ويحچيلك الباب
عاتب يحيدر فاطمة تستاهل عتاب
راح العمر .. يالبيتك مفارگ ضوى
راح العمر .. وي النعش حيدر سوا
راح العمر .. وانته بضلعها تغسله
يحيدر .. يحيدر
★★★★★★★★★★★★
يالعاشگ رسوم الندى ذاك الندى مات
ضليت بس كلك جرح شايل معانات
يگلولك انسى يا علي ما كافي دمعات
هيه الزچية تنسي لا والله هيهيات
يا لايمك .. ما يدري چم مرة متت
يا لايمك .. وي فاطمة من تواعدت
يا لايمك .. المعشوگة مات شضل اله
يحيدر .. يحيدر
★★★★★★★★★★★★
على الوجنه حگك يا علي تصب الدمع حار
اغلى الحبايب راحلة وجروحك كبار
وكلهم يتامى فاطمة لبيتك زغار
بس انته اكبرهم جرح واكبرهم اعمار
حيدر صرت .. اكبر يتامى ام الحسن
حيدر صرت .. بأحساسك الشوگ اندفن
حيدر صرت .. اول يتامى العايله
يحيدر .. يحيدر
★★★★★★★★★★★★
بچلمات الحسين وحسن يا بوية ماجور
يشبهون صوت الفاطمة والگلب مكسور
تشوف الحسن چبده بطشت يا علي منثور
تشوف الحسين بكربلا عطشان منحور
وام الخدر .. شايف خيمها تنهب
وام الخدر .. يم جسم اخوها المنسلب
وام الخدر .. تنادي سبتني كربلا
يحيدر .. يحيدر
★★★★★★★★★★★★
طبيت اميرة يا كربلا طبيت اميرة
يا كربلا طبيت اميرة وبنولي اخوتي من الخيم ديره
اخ يا بوية باچر اردن خاف اسيرة عيوني اخ اعمن اعمن الزينب يا عيوني
★★★★★★★★★★★★
ومدللات عزيزاتكم ومدللات شلون بالهيمه نبات يا بوية
تگله چيفن وحيدات يشتمونه چيفن وحيدات
بوية گصيرات نسوان وايدينه گصيرات
نسوان وايدينه گصيرات
★★★★★★★★★★★★
الحداي ضعني انه رايحه الحداي ضعني
ونيتله وما سمع وني
خوية عني عني ياهو اليرد الزلم عني
فراگك يخو زينب كتلني
احا يا اهل زينب يابوية
★★★★★★★★★★★★
☜ بـسمـه تعـالى ☞
الـقصـيدة : راح ابوي
اداء : مرتضى حرب
كلـمات : مرتضى حرب
☆☆☆☆☆☆☆☆☆☆☆☆☆
فاطمة تصيح راح ابوي راح ابوي ياعلي
ياعلي راح الحنين شلون بينه خلافك
ياهو اليصعد الحسين بعد فوگ چتافك
بچفة لازم چف ابوي ميت وما عافه واذبلت ياعلي كلي وي ذبول اجفافه
☆☆☆☆☆☆☆☆☆☆☆☆☆
دير بالچ على ضلوعج گالي بعيونه
بوية يا فاطمه ضلعج باجر يكسرونه
البيت من يخلون حرمه وبابج يدفعونه
ويحترگ گلبي يبوية لمن يحرگونه
☆☆☆☆☆☆☆☆☆☆☆☆☆
ياعلي املاك السماء خلهم يطبوله
كاضين الباب كلهم كاعد يلطموله
خلهم يطبون يمنه ومن دمه يبچوله
والدي غالي عليهم ربعه كلش ذوله
☆☆☆☆☆☆☆☆☆☆☆☆☆
يم حسن راح اللوذ بسده من نتوازه
واحنه دينيانه ضلام والضوه نعتاره
يم حسن ينهدم حيله البيده شال عزازه
وانه شلت الدنيا كلها ما شلت لجنازه
☆☆☆☆☆☆☆☆☆☆☆☆☆
انته احفر لحده بيدك هذا ابوي الغالي
وانزل ويا گله فاطم شل دمعها يلالي
خلاف ابوي البيت حيدر بعد ما يحلالي
ابني بيت حزاني بي واكعد انته كبالي
☆☆☆☆☆☆☆☆☆☆☆☆☆
بالمدينة شضل يحيدر والدي وجافاها
جان من شيبه ضواها وهسة راح ضواها
تعيش لبنية عزيرة كون ابواها وياها
وكل أمانيها تموت لو مشة وخلاها
☆☆☆☆☆☆☆☆☆☆☆☆☆
[ بـسمـه تعـالى ]
الـقصـيدة : هذا الزمن اختلف
اداء : مرتضى حرب
كلـمات : مرتضى حرب
°°°°°°°°°°°°°°°°°°°°°°°°°°°°°°°
هذا الزمان اختلف .. صار الوفه عجبه
ياهو المثلكم بعد .. يموت من أجل صحبه
للحومه من طبيتو .. للصحبه حد حطيتو
هذا الزمان اختلف .. صار الوفه عجيبه
°°°°°°°°°°°°°°°°°°°°°°°°°°°°°°°°°°
احنه الدمعنه اعله الخيم
منه الجفن يتجرح
بمدرسة صحبتكم نطب
كون وحبيب اليشرح
بدرس الوفه من نمتحن
من عدنه ياهو الينجح
ياهو اليحط عليه خطأ
وياهو اليحط عليه صح
بيناتنه اشگد فرق
بالصحبه لو قسنه
بُعد السمه اعله الأرض
والنار والجنه
بس أنتم الوفيتو
وللصحبه حد حطيتو
هذا الزمان اختلف .. صار الوفه عجبه
°°°°°°°°°°°°°°°°°°°°°°°°°°°°°°°°
والله صحبة هالوكت لوحطها يم صحبتكم
الگه الفرق نية الشمر لو قيسها بــنيتكم
دنيانه مابيها صدگ وانتو السبط دنيتكم
الما خذه من عدكم وفه ماذايب ابموقفكم
الماكو بخياله زلم
جدامهم شيبه
بي هذا ما افتخر
بالطاري مااجيبه
بكربله من التميتو
للصحبه حد حطيتو
هذا الزمان اختلف .. صار الوفه عجبه
°°°°°°°°°°°°°°°°°°°°°°°°°°°°°°°°
من اسمعتو طب الكربله ضعن الحسين وخيم
محد نخاكم للفزع لابينكم گربة دم
مو سادة ونگول افزعوا لحسينهم ولد العم
تسبگ زهير اعله الحرب من درت رادت دلهم
التميتو يم الخيم
كلمن انطى رايه
ورايه بقت تنتظر
شيخ الزلم هايه
ومن طب حبيب ابچيتو
وللصحبه حد حطيتو
هذا الزمان اختلف .. صار الوفه عجبه
°°°°°°°°°°°°°°°°°°°°°°°°°°°°°
من رفن رواية الشرف من مهره طاح الفارس
خلن الگاع اتحركت راية زهير وعابس
الهن دوي خله الشمر ثوب السنابل لابس
ورعدت الدنيه وغيمت يمكن خذاها الواهس
ثاري علي من السمه
رش المطر چفه
فزعوا اخيار الزلم
من شاف للكلفه
للحمل من تچيتو
وللصحبه حد حطيتو
هذا الزمان اختلف .. صار الوفه عجبه
°°°°°°°°°°°°°°°°°°°°°°°°°°°°°°°
من لمكم حسين وحچه عن باچر ومضمونه
گلكم سماحة العشگ دمي تره اليردونه
وگلكم جمل هذا المسه تگدرون تتخذونه
لن ابو فاضل انهضم ضهضب تغير لونه
وانتم رفعتو السمر
كلمن يگول انه
باچر اخلي الكفو
مايندل امچانه
ثگلت وماطخيتو
وللصحبه حد حطيتو
هذا الزمان اختلف .. صار الوفه عجبه
°°°°°°°°°°°°°°°°°°°°°°°°°°°°°°
بيكم گلب زينب برد بالخبر لمن سمعت
لحسين شديتو الحزم وگلوبكم مارفت
ذيچ العساچر للخيم يهل الوفه من اتدنت
من شافو البيض اطلعن روس العساچر ردت
من شفتو فرق العدد
ماگلتو مانگدر
كل احنه گلتو فده
لعيون ابو الاكبر
من الموت مارديتو
وللصحبه حد حطيتو
هذا الزمان اختلف .. صار الوفه عجبه
°°°°°°°°°°°°°°°°°°°°°°°°°°°°°
☜ بـسمـه تعـالى ☞
الـقصـيدة : مالي غيرك
اداء : مرتضى حرب
كلـمات : مرتضى حرب
✮✮✮✮✮✮✮✮✮✮✮
مالي غيرك يابو علي
مإلي غيرك وطن يأويني
ياضوه ضلمه الدروب بعيني
ضايع وبس انت الدليني
انه ندمان عله ذيج اسنيني
الجان جرحك بيها ما يأذيني
مالي غيرك يابو علي
✮✮✮✮✮✮✮✮✮✮✮
ربي لا تحسبهن من أيامي
البيها ما باجي لحبيبي الضامي
بعز شبابي وهذا هم احلامي
ربي مثلك كون اموتن ضامي
بغير دربه لا تمشي اجدامي
مالي غيرك يابو علي
✮✮✮✮✮✮✮✮✮✮✮
جانت ايامي طعم مابيها
وعبث خطواتي جنت امشيها
بليه معنى ايامي جنت اكضيها
والتفت ربك علي تاليها
وصرت خادم والمصيبة انعيها
مالي غيرك يابو علي
✮✮✮✮✮✮✮✮✮✮✮
يا اللاهي بداعت اليسروهن
بجي عيني بكثر ما بجوهن
كلبي حركه خيام من حركوهن
ارد اعيش بصفنتي شسمعوهن
وارد اعيش بسوك من طبوهن
✮✮✮✮✮✮✮✮✮✮✮
ضايع المايلتحق بضعونك
كلها غربه وطن بس عيونك
هذا مو عاقل المومجنونك
حساسهم عاجر الميعشكونك
وبشكو حجاية صدك يلكونك
مالي غيرك يابو علي
✮✮✮✮✮✮✮✮✮✮✮
☜ بـسمـه تعـالى ☞
الـقصـيدة : يا وردتي
اداء : مرتضى حرب
كلـمات : زيد الفحام
☆☆☆☆☆☆☆☆☆☆☆☆
بس يمج الگه الراحه
يا وردتي الفواحه
نورتي كل سنيني
ليش بعجل عفتيني
يا وردتي الفواحه
☆☆☆☆☆☆☆☆☆☆☆☆
يا اول عشگ بالروح عليه مفصله تفصال
الله يحبني وختارج اليه وعشنه راحه بال
اشوفج يا خديجة ارتاح عن گلبي المحن تنزال
رسول الله انه وبعدج وحزني وجرحي بالدلال
مشكورة يا ام بيتي .. كفيتي وفيتي
وكت الشدد عنتيني .. ليش بعجل عفتيني
☆☆☆☆☆☆☆☆☆☆☆☆
عظيمة وفي سبيل الله اموالج نفقتيها
بالله وبيه امنتي ورسالة ديني شلتيها
الالآم الكبر والعوز من اجلي حملتيها
من عيش الترف وياي عيشة فقرة عشتيها
ام فاطمه المهيوبه .. بنور العرش محجوبه
من مثلج تدفيني .. ليش بعجل عفتيني
☆☆☆☆☆☆☆☆☆☆☆☆
رضيتي بكلشي من اجلي يعظم اجرج الباري
خديجة الراضيه الحره عليمه بقدري وسراري
محمد انه من دونج حزينه ومظلمه داري
فراگج يعصب عليه وتسيل لشوگج اعباري
مثلج صعب الگاها .. وايامج شمحلاها
بعيونج تخليني .. ليش بعجل عفتيني
☆☆☆☆☆☆☆☆☆☆☆☆
وفيه وما نسيتج يوم احن واذكر العشره
هذا اني عشت بجفاج رهين اللوعه والعبره
خليتيلي منج نور شبيهج منظر ونظره
اذا اشتاگ الج ما احير اروح لفاطمه الزهره
عن فاطمة مشكورة .. نفس الشكل والصورة
والدها وتواسيني .. ليش بعجل عفتيني
☆☆☆☆☆☆☆☆☆☆☆☆
☜ بـسمـه تعـالى ☞
الـقصـيدة : گام والساعه بزلمهم گامت
اداء : مرتضى حرب
♧♧♧♧♧♧♧♧♧♧♧♧
گام والساعه بزلمهم گامت
الوسعه من مسلم چتفهم ضاگت
ارتگز مسلم والسيوف تلاگت
الكوفة بس چنف دخيلك صاحت
عمي حيدر گلهم تعرفونه
ابن اخو انه ودرست فنونه
الكوفة اله جرت ذان شايخ على الميدان
ياابو طاهر دخيلك
ياابو طاهر دخيلك
♧♧♧♧♧♧♧♧♧♧♧♧
شيخ سيفة ويحجي كله بكيفة
بيده ملچ الموت اضن مو سيفة
هاشمي وين النچر تكليفة
الما يموته السيف مات بطيفة
يمر علية بالطيف ويشل حالة
يصير مسلم بالحلم چتالة
موته البي حلمان شايخ على الميدان
ياابو طاهر دخيلك
ياابو طاهر دخيلك
♧♧♧♧♧♧♧♧♧♧♧♧
الطوعة احس بنتهى وكلهم ذولة
الخاطرج والخاطر الهلولة
راح اطب واهديها الج هلصولة
وعد تنرد خاف ما مقبولة
خاف ما تنقبل بس گليلي
الخاطرج تنرد واذب كل حيلي
الصولة ردها ورهيال شايخ على الميدان
ياابو طاهر دخيلك
ياابو طاهر دخيلك
♧♧♧♧♧♧♧♧♧♧♧♧
مسلم تصور حسين يشوفة
گله سويت بزلمهم خوفة
حسين تبشر الراحة چف الكوفة
واله ارد البيها الك مچتوفة
ربط الكوفة واهلها وساگها
لأبن عمه وحيل ضب شباگها
ساگها ويضحك چان شايخ على الميدان
ياابو طاهر دخيلك
ياابو طاهر دخيلك
♧♧♧♧♧♧♧♧♧♧♧♧
حلف وصاح راس عمي الما يطخ
مثل طبخ الحسن لطبخكم طبخ
غيم وسجين مسلم ضل يزخ
صوابه يگطع روس ما يفشخ فشخ
روس يفشخ طير ابابيلها
ومسلم من الچتف روس يشيلها
الفيل ردها بكوفة شايخ على الميدان
ياابو طاهر دخيلك
ياابو طاهر دخيلك
اضغط هنا لمتابعتنا على التلكرام
♧♧♧♧♧♧♧♧♧♧♧♧
شكر خاص الى قناة قصائد مرتضى حرب مكتوبة على التلكرام
